Världshistorien och framtiden. - Sven Wimnells hemsida
Världshistorien och framtiden. - Sven Wimnells hemsida
Världshistorien och framtiden. - Sven Wimnells hemsida
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Nobels fredspris 2006<br />
Tale av leder av Den Norske Nobelkomite<br />
Ole Danbolt Mjøs, Oslo, 10. desember, 2006<br />
Dykkar Majestetar, Høgvyrde Kronprinspar, Prisvinnarar,<br />
Eksellensar, Mine damer og herrar,<br />
"Den Norske Nobelkomite har bestemt at Nobels fredspris for 2006<br />
skal delast i to like store delar, mellom Muhammad Yunus og<br />
Grameen Bank for arbeidet deira for å skape økonomisk og sosial<br />
utvikling nedanfrå. Varig fred kan ikkje skapast utan at store<br />
folkegrupper finn vegar til å bryte ut av fattigdom. Mikrokreditt er ein<br />
slik veg. Utvikling nedanfrå verkar òg til å fremje demokrati og<br />
menneskerettar."<br />
Slik lydde det då Nobels fredspris blei annonsert den 13. oktober i år.<br />
I dag er det tid for velfortent hyllest! Muhammad Yunus og Grameen<br />
Bank: Gratulerer med Nobels fredspris! Og gratulerer til deg,<br />
Mosammat Taslima Begum, som skal ta imot prisen på vegner av<br />
Grameen Bank.<br />
Ikkje alle journalistane som møtte fram på Nobelinstituttet ved<br />
annonseringa av årets fredspris visste kven Yunus og Grameen Bank<br />
var. Nokre trudde Grameen Bank var ein person. Men det fekk vere<br />
journalistane sitt problem. Dei mange som kjende til begge, meinte dei<br />
burde hatt fredsprisen for lenge sidan. I 2002 sa Bill Clinton det slik:<br />
“Dr. Yunus is a man who long ago should have won the Nobel Prize<br />
and I’ll keep saying that until they finally give it to him." No treng<br />
ikkje Clinton seie ifrå lenger.<br />
Årets pris er blitt godt teken imot, internasjonalt, i Noreg og ikkje<br />
minst i Bangladesh. Det er nesten ikkje til å fatte: Her går eg, som<br />
leiar av Nobelkomiteen, fram til ein mikrofon på Nobelinstituttet i<br />
Oslo og annonserer at årets fredspris går til Yunus og Grameen Bank.<br />
Så byrjar politikarar og aviser i store delar av verda å kommentere, og i<br />
stor grad å applaudere det valet som Den Norske Nobelkomite har<br />
gjort. Og enda meir utruleg: Det bryt ut demonstrasjonar av rein glede<br />
i Bangladesh. I fleire dagar blei landet nesten stengt på grunn av<br />
glede. Mange sa at dette var det største som hadde skjedd i<br />
Bangladesh etter at landet blei sjølvstendig i 1971.<br />
Dei siste vekene har stadig fleire blitt kjende med hovudtrekka i den<br />
spennande historia til Yunus. Etter å ha utdanna seg til økonom i<br />
USA, kom han i 1972 tilbake til Bangladesh og blei professor i<br />
økonomi ved universitetet i Chittagong. I 1974 opplevde han ei<br />
personleg krise under hungersnauda i landet. Han blei skaka over å<br />
sjå ein slik fattigdom. Og han spurde seg sjølv: "Kva er vitsen med<br />
alle desse fine økonomiske teoriane når folk kring meg døyr av<br />
svolt?" Allereie i 1976 kom han på ideen om å skipe ein bank for<br />
fattige. Då lånte han ut 27 dollar frå eiga lomme til 42 handverkarar i<br />
ein liten landsby i Bangladesh, og sa at dei kunne betale tilbake<br />
pengane når dei fekk råd til det. I vekene som fylgde, tenkte han<br />
mykje på dette og bestemte seg for at det måtte ei institusjonell<br />
løysing til.<br />
Resultatet blei Grameen Bank, som i dag finst i dei aller fleste av<br />
Bangladesh sine tusenar av landsbyar, og som sidan den formelle<br />
oppstarten i 1983 har lånt ut nestan seks milliardar dollar. Banken har<br />
i dag nestan sju millionar låntakarar. Grameen Bank låner ut 800<br />
millionar dollar i året. Kvart lån utgjer i gjennomsnitt vel hundre<br />
dollar. Banken er sjølvfinansiert og tener pengar. Tilbakebetalingsprosenten<br />
er svært høg. Muhammad Yunus seier: "Lån dei fattige<br />
pengar i ein storleik som passar dei, lær dei nokre få sunne finansielle<br />
prinsipp, og dei klarar seg sjølve."