documents & rapports - Mémoires du Hainaut

— 5 —
sauf et reservet tous les poins et conditions qui sopèrent en
leur carte lesquels les Echevins jugent et ont juget par yeulx
et par leur devantrains de si longtemps qui n'est memore de
souvenanche.
1. Premiers die lez Eschevins qu'il n'y a nuls demorans
en le terre de Jumez, du Roulx ne de Hingne qui ne tiennent
pour Bourgois, car ce nuls ce marie en le terre qui oques
nait estet maries, il doit quatlre viez Esterlins, pour se bourgoisie
à l'Avoet.
2. Et se uns estrangnier vient demorer en le terre, il doit
pour sa boui'goisie quatlre viez Esterlins à l'Avoet.
3. Item se y at un moulin au Roulx quy est au Seigneur
auquel moulin les bourgois doivent moulre par ban au XXI e et
nypeut nuls afforains moulre tant qu'il y aist bourgois qui
veuille moulre, et se bourgois aloit moulre à auttre moulin
fours de le terre et il fuist trouvés par le Sergant ou par le
justice, il seroit à LX sols namisois, et le farine et le sacq
perdut.
4. Et doit ly Sires à quy le moulins est présenter au jour
de S 1 Jhan Baptiste un moulnier preudome et de bone fâme,
et le Eslier et le polingnoul le quels moulniers doit être mis
à serment par le maïeur et les Eschevins de warder tout le
grain et le farine qui sera amenée aud moulin et qu'il tenral
les bourgois à leur ourne, et pullent les bourgois mettre
ung fariniaul au moulin à leurs frais, lequel fariniaul doit
prendre moulure et tenir les bourgois à leur ourne, raporter
toutes lez desfaultes qu'il serat au moulin et au moulnier.
Pdevant le mayeur et les eschevins et doivent le mayeur et les
Eschevins justifier le poullignouls au stierauXXR
5. Ilem se y est le rivière dou Piéton en lequelle rivière
tous les bourgois et le surseans peuvent pescher par trois
jours en le semaine lesquelz jours qui veullent prendre, a
tout une troulle et ung boasaul, et ly Sire le peut censir, mais
chilz qui le censiral ne peut vendre poisson fours de le terre