S - Vesuvioweb

G. DF. – S. A. per www.vesuvioweb.com
schiuppá: v. intr. Sbocciare. Scoppiare.
*CAN. Chiagno p'ammore, e cade 'o chianto mio
dint'a 'sta testa: 'o chianto 'a sta arracquanno...
Schiòppa na bella rosa e i', pe' gulio,
a chi mm'ha fatto chiagnere nce 'a manno.
Lle dico: "Rosa mia tu mme perduone
*SDG. 'e lenzulelle smoveno
n' addore 'e spicaddossa:
e mmanco nun me senteno
ll' aruta e 'a resedà;
cchiù ampresso ncopp' a ll' asteco
abbrile 'e ffa schiuppà!…
*SCAR. E la seconna?
- La seconna pecché m’è schiuppata na famma, che gli aristocratici
chiammano appetito, ma che io la caratterizzo pe lopa addirittura.
*VIV. “ Rastula ‘e specchio, seccame a Gennaro:
cu ‘e ragge ‘e sole fammelo abbruscia’
Comme e castagne dint' 'o verularo
ll'ossa arrustenno aggia senti’ 'e schiuppa’.
Siccalo l'uocchie quanno 'a tene mente,
siccalo 'o sciato quanno 'a vò chiammà!
Abbrustuluto comm' 'a na semmenta
'a capo a pede falle addeventà! “
*EDU. Pò schiòppene garuofene schiavune
e giesummin' 'e Spagna.
'A miez' a mille sciure,
ca sò 'e mille sciure,
ca sò 'e mille culure,
ru sciglie 'a margarita,
ca t'add'accumpagnà
pè tutta 'a vita.
E; comme ch'è nu sciore
busciardo e traditore,
te dà 'o primmo delore...
te dice: "No!”.
*TOT. LL'ammore e' comme fosse nu malanno
ca, all'intrasatta, schioppa dint' 'o core
senza n'avvertimento, senza affanno,
e te po' ffa muri' senza dulore.
*SOV. Ce stò tant’acqua ccò, ca sblènne
e se ‘ncupésce, ‘u sole ‘ncòppa
a rammère strutte r’ ‘a salìmma
comm’a nu cióre senza tiémpo schióppa
e s’annascónne, ccò ‘u bblù
G. DF. – S. A. - A Lenga Turrese. Lettera – S - 101