S - Vesuvioweb

G. DF. – S. A. per www.vesuvioweb.com
surriéssëtö: agg. Surriésso. Preoccupatto.
*BAS. E mentre lo viecchio deceva accossì, e io steva co l'aurecchie
pesole e appezzute pe ausoliare così sapute parole felosofeche,
tutto sorriesseto e co 'no granne sparasisemo me scetaie, pocca
sentiette 'no granne fracasso fora la porta;
*BAS. Creo ca si a caso t'esce
lo sango da lo naso,
sorriesseto, atterruto,
t'esce l'arma pe culo e si' speduto.
*CORT. Pe lo tùfolo steva ausolïanno
Carmosina sorrèsseta e sbanuta
Zò che deceva Ciullo gualïanno,
Ed avenno la voce canosciuta
Sùbeto 'scette e ièzese 'nzeccanno,
Decenno: «S'èie Ciullo, me saluta!»
*GQ. Lo smostro scornato fujeva sorriesso,
Le nnave de Cesare le vanno appriesso
Pe ffarlo presone, e non farlo scappà;
surzitá: v. tr. Risuscitare. Rinascere. Confortare.
*BAS. che si be’ aveva la capo carreca d’argiento non se trovava uno de
ciento vinte a carrino pe sorzetarese lo spireto, tanto che ieva
cercanno pe le pagliara de lo contuorno quarche lemmosena pe
mantenere la vita.
*SGR. Cierto si sorzetasse Compà Iunno,
O Iacoviello, o lo poeta Cola,
O si Giovanne de la Carriola
Tornasse n' auta vota a chisto munno,
Co bierze senza fine e senza funno
Cecca mia bella laudarriano sola:
*PS. pocca toccannolo co no poco de chell'erva che sorzetaje a mene,
sorzetarraje ad isso porzìne ed a li Cavaliere e Princepe suoje:
*ETN. Bella ca de li bbelle vuie site
E de li bbelle la parma purtate,
Facite pazziar' a li remite,
Chille che dint' 'e bosche songo nate ;
A li malate le dunat" 'a vita
E 'e muorte de cient' anne surzetate
surzö: s. m. Surchio. Sorso.
etim. Lat. volgare “sorsum”, classico “sorptum”, da “sorbeo, sorpsi”.
*SAN. Ma quando te convita uno signore
per farte grande honore allo manzare
te farà inbrossinare per la bocha
uno o doi perlicoccha amatontate
dui caroze mondate et quatro aulive,
G. DF. – S. A. - A Lenga Turrese. Lettera – S - 290