S - Vesuvioweb

G. DF. – S. A. per www.vesuvioweb.com
e aspetto ca spercia 'a zella da bufera
e 'o sango mio retuorna a friccecà
comm'a nu sciummo 'mbessicchiato
ca se stupetìa nto cielo da vita.
spërì: v. intr. Speruto. Desiderare, invidiare, morire di voglia.
etim. Lat. “ex-perire”.
*BAS. Ma non passaie n’autro anno che le venette la stessa doglia de
capo, morenno speruto de vedere le genti soie.
*BAS. pe fare na chiave che potesse aperire la cascettella de le gioie che
lo facevano morire speruto;
*CORT. Ora craie vengo co cierte autre amice
E beo la sorte mia commo se sia».
«Sìne, disse essa, e non me fa' sperire,
E piglia chesto se te ne vuoie ire».
*CORT. Ed essa, che se vede desperata
D'avere chello de che sta speruta,
Fa lo capo de sopra e la 'norata,
Decenno: «Sì, va' ca me nce hai cogliuta,
Sto meza morta mo ca m'haie vasata,
Uh, mara me, commo non so' foiuta!
*SGR. La vidde, oimméne, e ne restaie feruto,
E tanto a l' uocchie mieie parette bella
Che quanno io no' la veo resto speruto.
*PS. e lo juorno sempe le refonneva quarcosa pe no' le bedere morire
accossì sperute, tanto cchiù che la fegliola, sapenno filare, le dava
sempe da fatecare
*ETN. Chesto sentenno a Zì Sardella
s’affacciaie â fenestella,
facette n’uocchio a zinnariéllo
a lu sperùto nnammuratiéllo.
*MD. Pe no poco, no momento
dalla a me, sperenno io sto:
famme, sì, famme contento,
Carmenè, dammella mo.
*DP. Ll'aggio ditto: — Guagliò, tu stai sperenno!
cheste songo doie lire: accattatille!
S’è avutato ‘o scugnizzo e po’, redenno,
m’ha guardato cu l’uocchie ‘e suricillo:
*FR. Sotto a sti ffronne, ‘o ffrisco, ‘e tutte tiempe
cu te mbraccio me voglio arrepusà:
e cu te mbraccio voglio restà sempe
speruto e vuliuso ‘e te guardà! »
*SDG. Mme credite? Sto speruta
‘e sentì n’ aria curtese,
G. DF. – S. A. - A Lenga Turrese. Lettera – S - 221