S - Vesuvioweb

G. DF. – S. A. per www.vesuvioweb.com
strëzzátö: agg. Poco curato, disordinato negli abiti e nella pettinatura. Mal
lavato.
etim. Da strezzare, disfare una trezza, treccia.
*ETN. Luce la luna pe' la saittera,
Nennella mia n' é partuta ancora.
Quanno se strezza chella capellera,
Ogne capillo ietta nu sbrannore.
stricá: v. tr. Districare. Sbrigare.
etim. Lat. “extricare”, sciogliere.
*BAS. Lassatello fare a me», responnette lo cavaliero e, fattosella sedere
co la capo ’n sino, credennose arrobbare panno franzese
commenzaie a stricare li capille co lo pettene d’avolio:
stròlöcö: s. m. Astrologo. Traslato per sapientone. Da strulucá,
almanaccare, fare previsioni.
*BAS. Lo astroloco isso puro
have da ciento banne
tante e tante addemmanne.
Chi vo’ sapere si fa figlio mascolo,
chi s’ha lo tiempo prospero,
chi se vence lo chiaieto,
chi s’ha sciorte contraria;
*BAS. Era poco lontano da sto castiello no dragone ferocissemo, lo
quale nascette a no stisso partoro con la regina; e, chiammate da lo
patre l’astrolache a strolocare sopra sto fatto, decettero che sarria
campata la figlia soia quanto campava lo dragone e che morenno
l’uno sarria muorto necessariamente l’autro.
stròppöla: s. f. Fesseria, parole sciocche. Sproloquio.
etim. Lat. “stropha”.
*ETN. Stròppole pe' sprattechì' 'a lingua
*ETN. Me dunaste nu milo muzzecato,
Ed io pe' scagno te dunaie 'stu core,
I' te lli dette tutto 'nnargentato,
E 'mmiezo cu' doie stròppole d'ammore
*SCAR. Ma è proprio n’arillo.
- Avite visto quanto è curiuso, quanta stroppole che dice quanno sta a
tavola.
- All’ultimo ha fatto chillo brinnese.
*VIV. Che stroppole e che belli canzuncelle
llà ‘ncoppa te sapevano accucchia’.
E ‘e ggente ca passavano
restavano ‘ncantate
‘e sti tammurriate
‘e nenne scapricciate;
*SOV. Rint’a na sénga ‘i viénto tu
G. DF. – S. A. - A Lenga Turrese. Lettera – S - 264