Descarga en formato PDF - Centro Ramón Piñeiro para a ...

Vilmos Bárdosi. Os perfís lingüísticos da man en francés, contrastados co húngaro, español, galego e alemán
Os perfís lingüísticos da man en francés, contrastados co
húngaro, español, galego e alemán
Cadernos de Fraseoloxía Galega 11, 2009, 17-48 ISSN. 1698-7861 17
Cadernos de Fraseoloxía Galega 11, 2009, 17-47. ISSN 1698-7861
Vilmos Bárdosi 1
Eötvös Loránd Tudományegyetem
O artigo pretende demostrar, por medio dun exame contrastivo de cinco linguas, a complexidade
dos perfís linguísticos, sobre todo fraseolóxicos, do formante man fixados no francés e
comparados co húngaro, co español, co galego e co alemán. Estes perfís resumen e reflicten as
diferentes concepcións, representacións ou dominios cognitivos que temos nas cinco linguas con
respecto a esta parte fundamental do corpo.
Palabras clave: lingüística cognitiva, lingüística contrastiva, perfilado, onomasioloxía, fixación.
By means of a contrastive research, this paper intends to prove the complexity of linguistic profiles,
specially phraseological profiles, containing the word hand in French compared with Hungarian,
Spanish, Galician and German. These profiles sum up and reflect the different conceptions,
representations or cognitive domains related to this important body part existing in those five
languages.
Keywords: cognitive linguistics, contrastive linguistics, profiles, onomasiology, fixation.
1. A man: xeneralidades
A man é unha das partes máis importantes e máis expresivas do corpo humano. Xa o
filósofo grego Aristóteles, n’As partes dos animais (IV, 10, 687, a 19, a 24), salientara
con precisión a importancia da man:
[a man] é capaz de collelo e sostelo todo. […] De feito, o ser máis intelixente é
aquel que dá utilizado correctamente o maior número de ferramentas: agora
ben, a man non parece ser unha ferramenta, senón varias, porque, en certa
medida, é unha ferramenta que serve no lugar doutras.
Data de recepción 12/05/2009 Data de aceptación 17/09/2009
1 Tradución de Minia Ferro Fernández.
17