Descarga en formato PDF - Centro Ramón Piñeiro para a ...

Novas
Novas
ordenación onomasiolóxica. Este tipo de ordenación favorece o uso activo do
dicionario –de cara á codificación de textos– así como a memorización das unidades
fraseolóxicas de acordo co seu significado, e isto resulta altamente proveitoso no
proceso de adquisición dunha lingua estranxeira. A versión electrónica do dicionario
non efectuou cambios na clasificación onomasiolóxica, xa que segue utilizando as
mesmas subdivisións dos campos conceptuais con letras e números. Ademais da busca
dos fraseoloxismos de acordo co seu significado, tamén é posible a súa localización
alfabética.
A gran novidade do dicionario electrónico é que os fraseoloxismos veñen acompañados
de exemplos reais extraídos da internet (entre setembro de 2007 e xullo de 2009, polo
cal é posible que algúns enderezos da internet xa non sexan actuais). Nisto diferénciase
da versión impresa de 2007 na que os exemplos eran literarios ou construídos. Os
exemplos seleccionados da internet teñen a vantaxe de ofreceren usos reais dos
fraseoloxismos no seu contexto e de serviren de testemuño de eventuais
transformacións no seu significado actual.
400 398
Cadernos de Fraseoloxía Galega 11, 2009, 393-414. 395-416. ISSN 1698-7861