Descarga en formato PDF - Centro Ramón Piñeiro para a ...

A extensión máxima desexable para os artigos da sección Estudos é de
aproximadamente 3950 palabras (15 páxinas) e a mínima de 1830 palabras (8 páxinas),
para as recensións un máximo de 1370 (5 páxinas) e un mínimo de 750 (3 páxinas). No
caso das Recadádivas, aínda que se recomenda unha extensión similar á indicada para
os traballos da sección Estudos, faranse algunhas excepcións en consideración ó
carácter do material recollido.
Como se pode comprobar nas follas de estilo indicadas, tódolos artigos deben ir
encabezados por un resumo e palabras clave. O resumo, as palabras clave e o título do
artigo deben figurar tanto en galego como en inglés.
5 Os orixinais deberán enviarse en versión electrónica (compatible cos
procesadores de texto máis usuais para PC) ó enderezo electrónico paremias@cirp.es.
No caso de ser preciso, o autor deberá facer chegar á redacción da revista os permisos
necesarios que aseguren o respecto á propiedade intelectual na reprodución dos
materiais utilizados no artigo. Para tal caso, o enderezo postal é o seguinte:
Cadernos de Fraseoloxía Galega
Centro Ramón Piñeiro para a Investigación en Humanidades
Estrada Santiago-Noia, Km. 1 – A Barcia
15896 Santiago de Compostela
Galicia (España)
6 Sistema de admisión. A data límite para o envío de traballos potencialmente
publicables no ano en curso é o 1 de marzo. Os artigos recibidos ata esta data que, a xuízo
do Consello de Redacción, cumpran os requisitos mínimos para a súa publicación,
remitiranse en forma anónima a dous revisores expertos, os cales deberán emitir un informe
tamén anónimo sobre a conveniencia da súa publicación. Os artigos publicaranse se os dous
informes son positivos. Se só unha das avaliacións recomenda a publicación, os traballos
remitiranse a un terceiro informante, de tal xeito que a súa valoración será definitiva.
Os autores dos traballos provisionalmente aceptados deberán realizar en breve prazo
(dez días e, en todo caso, antes do 1 de maio) as oportunas modificacións ou, no seu
caso, deberán presenta-las alegacións ós cambios solicitados.
En recibindo os traballos modificados, o Consello de Redacción deberá acorda-la súa
aceptación ou o rexeitamento definitivo. O último día para a notificación da aceptación
ou do rexeitamento por parte do Consello de Redacción é o 15 de maio.
7 Os editores dos traballos poderán alterar levemente os traballos recibidos. O
obxectivo destas alteracións será o de corrixir erros mecánicos ou lingüísticos.
8 Os autores dos traballos publicados recibirán un exemplar da revista e 20
separatas. Noventa e cinco fraseólogos de Europa, América e África recibirán un
exemplar de CFG, que manterá intercambio con outras publicacións similares.
440 Cadernos de Fraseoloxía Galega 11, 2009, 439-440. ISSN 1698-7861
438
Cadernos de Fraseoloxía Galega 11, 2009, 437-438. ISSN 1698-7861