sto da se pravi

Златко Теодосиевски
НИШТО!
По една сосема случајна неодамнешна средба со Гелевски
и по разменетите неколку реченици со заеднички заклучок
за бесмисленоста на секој вид активност во нашево совремие,
се присилував да седнам и да напишам нешто за идниот
зборник на собирот „Што да се прави – за повторно освојување
на слободата“. Но, добро, бесмислен текст за бесмислено
секојдневие, кое глуми дека се обидува нешто да промени!
Па, оттука, во слава на бесмисленоста, а на провокацијата
од типот: „Што да се прави – за повторно освојување на
слободата“, еден подеднакво можен (бесмислен) одговор во
сличен стил би бил: Ништо! Значи, уште еднаш: „Што да се
прави – за повторно освојување на слободата“. Ништо!
Но, кога човек би излегол на говорница и на една
таква зададена тема би одговорил со еден збор – „ништо“ –
претпоставувам дека би бил експресно избркан од собирот.
Или, би бил, со право, исвиркан. Или, пак, ако овој текст за
претпоставениот зборник го завршам веќе на почетокот и на
поставеното прашање повторно одговорам со истата негација
Што да се прави
101