sto da se pravi

Е, па тогаш, зошто поставуваме вакви божем реторички, а во
суштина бесмислени прашања во вид на (работни) тези
Но, да не се разбереме погрешно, јас исто така мислам
дека не е зрело времето. И нема да биде, во догледно време. Ќе
потрае оваа дооолга ладна зима. Дооолга ладна зима сè додека
професорите на Архитектонскиот факултет како „онакви“
се кријат низ ходниците, а нивните студенти протестираат
против урбанистичкото уништување на градот – времето
не е стасано. Студ и мраз сè додека грото од уметниците
мизеруваат, а пет-шест фахмани штанцаат и „дела“ и пари
буквално упропастувајќи ја македонската уметност – не е
време за кревање глава. Циклони и антициклони сè додека
сликарите гледаат како им увезуваат „дела“ од Украина и
од Русија, како домашни дилетанти им ги земаат парите за
изложби, како маалскиве калливи „пасковци“ во сите можни
облици им перат мозок со антиквизации и антиквестации –
сè дотогаш времето не е дојдено. Вејавици и ветришта ќе нè
дуваат сè додека на ФЛУ според разни клучеви им инсталираат
неписмени асистенти и професори, а оние во кои Македонија
инвестираше и полагаше големи надежи на истиве преку ноќ
им ѕидаат биографии – времето за нас ќе стои во место.
Дали, на пример, модернистите или постмодернистите
се собирале на конгреси или друг тип собири за да одлучат
„што да прават“ Дали Сезан, трагајќи по апсолутната слобода
на сликата, застанал на говорница прашувајќи ги колегите
каде, во која насока, да (се) тргне Или, ако сакате, да се
концентрираме локално: дали Мартиноски и Личеноски се
мислеле што и како да направат на планот на осовременувањето
на македонската ликовна уметност во дваесеттите години
на минатиот век или, онака „голи и боси“, запукаа право во
Париз, во градот на светлината и уметноста, да учат што е тоа
сликарство Прашувал ли некого Петар Мазев што и како да
прави кога се осамувал во конаците на Св. Јован Бигорски,
кога втренчено гледал во манастирските распаднати порти и
решил нејзини парчиња да вгради во сликите И потоа оттаму
се враќал со – нова уметност!
106 Златко Теодосиевски