sto da se pravi

треба да го направи видливо злото што власта на ДПМНЕ му
го нанесува на општеството во целина.
Делегитимацијата на власта треба да има и своја
меѓународна димензија. Овој процес треба да биде бескомпромисен,
бидејќи фашистичкиот идеолошки супстрат на
режимот на Груевски, втемелен во споеноста на партијата и
државата, критиките кон власта ги прогласува за предавнички
и непатриотски акти против татковината. Активната делегитимација
на ДПМНЕ пред субјектите на меѓународната
заедница ќе ги придобие надворешните сојузници за борба
против недемократскиот режим, а ќе им ја направи потешка
и компромитирачка поддршката на оние што го помагаат
режимот однадвор. Надворешната делегитимација особено
треба да го разобличи надворешното финансирање на
режимот и самоубиственото задолжување на Македонија,
не само од аспект на неговата економска и финансиска
неодржливост туку и од аспект на неговата криминогеност и
неморалност.
Секако, процесот на делегитимација мора да има и своја
домашна перформативна димензија. Тој мора да се отелотвори
во политичка акција, во граѓанско движење и во начин на
живеење низ борба за повторно освојување на демократијата.
Делегитимацијата на власта треба да биде детонатор за
создавање широк фронт за борба против тоталитарниот
режим; таа треба да биде „маја“ за новиот граѓански, сенароден,
натпартиски, надетнички, антифашистички и
демократски обединувачки македонски фронт за борба против
внатрешниот окупатор и за повторно ослободување на
Македонија.
34 Мирослав Грчев