sto da se pravi

Никола Гелевски
ШТО ДА СЕ ПРАВИ
ЦИВИЛНО ОПШТЕСТВО
Живееме во мека деспотија
Република Македонија е сосема промашен проект.
По 23 години самостојност тој факт боде очи речиси на
сите рамништа: економски сме под нивото од пред 30-40
години (реалниот бруто-општествен производ бил повисок
во седумдесеттите години на минатиот век отколку денес);
популациската слика е речиси катастрофална – повеќе стотици
илјади граѓани иселени се од земјава само во последниве
15 години; внатре во земјата, пак, царуваат безнадежноста,
стравот и сѐ побескрупулозната борба за сѐ поскудните
ресурси.
Најстрашно е, се чини, што ние не сакаме да се соочиме
со обемот на нашето пропаѓање. Оти не се само економски
штетите предизвикани со упропастувањето на институциите,
со партизирањето на општеството, со огромната корупција,
клиентелизам и грабеж... Штетите се во неповратноста на
некои процеси и во долгорочно нарушените можности да
бидеме нормално општество.
Што да се прави
75