sto da se pravi

мери само со празнината од политиката на власта. Ова е затоа
што мислам дека сето она што го прави Владата во последно
време и не се некои политики, туку само итарпејовски мерки
за и околу буџетот. Токму затоа главниот лик на Владата во
последно време е Зоран Ставревски, кој веројатно со муабетот
околу буџетот и ја задржува својата предност како првиот
главен меѓу тројцата главни. А, токму итарпејоштините
околу буџетот се вистинската политика што би требало да ја
искористи и да ја објасни опозицијата. Всушност, и последната
најголема политичка иницијатива, промената на Уставот, е
само еден таков курназлак околу монетарната политика.
А, за да одговориме на тоа која артикулација е посоодветна
актуелно во Македонија, неа прво треба да ја осознаеме
или барем да ја дефинираме до толку за да може да посочиме
артикулација.
Средината што е рамка на ова мое размислување ја
дефинирав како: а) несвесен и заборавен центар; Македонија
според ова не само што е Пепелашка која е заборавена и нема
кој да ја разбуди туку и не е сè уште напишана, евидентирана,
како таква; б) автентично-уникатно општество, како и секое
друго, впрочем, кое изискува автентично-уникатни форми
на политичка артикулација; и в) целина што има основна
фрагменитарност – поделеност, како некоја Рубикова коцка
на која ѝ недостасува едно квадратче и за да ја решиш треба да
ја замислиш и да ја обележиш дополнително, а тој недостаток и
не те спречува да се занимаваш со коцката и, до тој недостаток,
да се правиш како да ја решаваш.
Соодветно на ваквиот нецелосен пристап, предлагам
метод што го именував како Акупун-култура. Чија дефиниција,
видеоизменета од онаа за акупунктурата, би гласела: Постапка
на вметнување и манипулирање со форми во различни точки
од земјата за ослободување од болка или за терапевтски цели.
Но, и во овој метод на дејствување, како и во методот на
лечење, важно е да се знаат точките и меридијаните. Затоа ќе
се навратиме на трите рамки од дефиницијата од почетокот:
центар, автентичност и поделеност. Според првата рамка,
Пепелашката прво треба да се евидентира како приказна и
136 Рамадан Рамадани