sto da se pravi

ја процесуира нормалниот мозок, па или ѝ се предава или се
дистанцира во очај!
Антонио Магрис би рекол дека преродбата почна
кога ВМРО направи дупка во македонскиот идентитет и
интегритет, во македонскиот културен профил, а ќе заврши
кога дупката ќе се претвори во идентитет.
Ние сме во напредната фаза на преродбата од историски
субјект во историска дупка, во нула, во големо ништо!
Настрана од овие историски реминисценции, насловот
на трибината ми изгледа така лево, мислам на таа запрашаност
пред предизвиците на времето и на таа тенденција да се чуе
паметта, разумот, интелектот, критичката мисла. Десницата
никогаш не си поставува вакви и слични прашања, а особено
бега од какви и да е контакти со паметта и со критичката
мисла! Мислата тие ја надоместуваат со хиперактивност, често
пати сосема бесмислена надвор од оваа идеја да се ликвидира
мислата. Тие две работи, хиперактивноста и отсуството на
мисла, односно хиперактивноста како платформа против
мислата, се два битни елементи на Ур фашизмот кај Умберто
Еко!
Парадоксот се состои во тоа што левицата на чело со
СДСМ во поголемиот дел од овие 25 години демонстрираше
десничарски прогон на паметта и на критичката мисла,
утврдувајќи ја и на тој начин основата на која ќе дојде и ќе се
устоличи монструозниот режим на чипираните идиоти!
Од друга страна, ме изненади, на еден начин, поканата
за оваа трибина, затоа што организаторите знаеле, или би
требало да знаат, дека мојот основен став е дека ние мораме
да ја смениме не само власта туку и системот во кој СДСМ е
важна вертикала! Имам впечаток дека СДСМ ги пропушта
последните моменти во кои може да ја одигра улогата на
субјект на промените и дека ако итно не преземе нешто
ќе се претвори во објект, во предмет на промените, што
надоаѓачката општествена олуја ќе го однесе од јавната сцена
заедно со вемерето и комплетната елита!
Пред да се обидеме да скицираме некои можни одговори
на прашањето: Што да се прави, треба да одговориме на
38 Бранко Тричковски