sto da se pravi

толеранција и почитување на туѓите ставови. Возможна е
ваква коалиција меѓу граѓанските организации и групи,
политичките партии што се подготвени да промовираат
граѓански концепт и сите заинтересирани индивидуи. Таква
коалиција може да се изгради само доколку ги поминеме сите
чекори што ги предвиделе теоријата и методологијата, за што
постои литература и проверени успешни приказни.
Нашето здружување и заедничка соработка мора
да вклучи темелно мапирање на сите што се засегнати и
подготвени да соработуваат, запознавање, консултација,
дебата, приближување на ставовите, ако сакате и преговарање.
Планирањето на заедничките или здружените активности
мора да ги вклучи сите заинтересирани што сакаат да
придонесат кон заедничкото, кое во исто време ќе стане и
моќно. Важно е да овозможиме секој со своите капацитети и
со тековните активности да стане дел од коалицијата, да не
наметнуваме туѓи планови по секоја цена, да не ги отфрламе
оние што „се плашат“, туку да ги охрабриме. Да се плашиш во
оваа држава не може да биде грев, ниту недостаток.
Тоа не е лесен чекор, но е возможен ако секој од нас се
откаже од дел од својата суета и ако успееме да не шириме
омраза во јавноста, да не ја размножуваме омразата што ја
посеа власта.
Наместо тоа, наместо покажување бес кон сè што не
мисли како нас, наместо манифестирање омраза поради
негативниот набој што е насобран меѓу нас, да почнеме да
разговараме меѓу себе и, особено, да разговараме со граѓаните.
Постојано повторуваме дека недостасува дебата во
јавниот дискурс. Ако недостасува, ајде да ја создадеме. За
дебата не ни треба власта, ни требаат граѓаните. Сите ние
треба да разговараме со граѓаните. И да не се превозбудуваме
кога некој нема да нè разбере или нема да се согласи со нас. Тоа
не значи дека треба да создаваме новоговори или неговори.
Напротив, треба да создаваме дискусија. И меѓу себе, на јавни
дебати, но и со граѓаните, на локално ниво, по маала.
Ние не можеме да организираме масовни митинзи,
но можеме масовно да организираме средби со граѓаните.
144 Марјан Забрчанец