sto da se pravi

системи и диктатури, што никогаш досега не се случило без
оглед на општествено-економскиот и на политичкиот систем.
Професорот по уставно право Светомир Шкариќ вели дека тоа
е вратоломејска ноќ за македонската кревка демократија и дека
по Оливер Кромвел таква работа во европските парламенти се
нема случено.
Не смееме никогаш да заборавиме дека на тој ден власта
од позиција на сила и моќ ја повика полицијата, која испрати
агенти во цивил, кои влегоа во Собранието на Македонија
и насилно, противуставно и противзаконски, ги отстранија
пратениците на опозицијата и новинарите од своите работни
места. Со невидена бруталност и со ќотек, полицијата ги исфрли
од дебатната сала пратениците на најголемата опозициска
парија. Таа драма на насилие е овековечена со снимките на
една пратеничка на мобилен телефон. Светот дозна за големиот
срам во македонскиот парламент да се донесе буџет со насилие.
Тепањето пратеници и новинари немаше праведна
и правна разврска, ниту, пак, некој понесе морална или
политичка одговорност. Обратно, опозицијата беше
арогантно нападната дека подготвувала државен удар со тоа
што го спречувала донесувањето на буџетот и организирала
протести пред Собранието. Арбитражите на Европската
комисија и ветувањата на домашните политички лидери
дека ќе се расчисти случајот со иницирање одговорност, по
повеќемесечни расправи заврши со тоа што власта го прогласи
за тоалетна хартија заеднички прифатениот документ. Тука
и почна оформувањето на новиот едноумен систем полош од
претходниот.
Судството во сите инстанции е уште една трагична
приказна за владеењето на правото и селективната партиска
правда. Пресудите од 112 години затвор за ликвидирање на
најгледаната телевизија и повеќе дневни весници, затворањето
на партиски лидери, новинари, свештени лица, политичари
на опозицијата, е само горниот видлив дел од сантата мраз.
Поголемиот дел е сè уште невидлив и многу поопасен.
Јавниот обвинител Марко Зврлевски јавно ги прикажа
состојбите во македонското судство такви какви што се со
88 Ерол Ризаов