sto da se pravi

и нацизам. Национализмите втемелени во концептот на
крвта и земјата се најдеструктивните, зашто го форсираат
смртоносниот концепт на етнички нации чија врзаност за
почвата им дава „старосна предност“ над другите народи и им
создава илузија на лажна, но уништувачка супериорност.
Авторитарниот режим на Груевски го презема овој
контаминиран ментален отпад како митолошка есенција на
својата политичка агенда за повторно раѓање на македонскиот
народ. За да обезбеди ова радиоактивно расистичко ѓубре да
стане фундамент на новата национална идентификација на
Македонците, власта првин со пропагандна лоботомија од
мозоците на граѓаните се обиде да ја исфрли единствената
автентична наследена идентификациска супстанција. Затоа
мора да сфатиме дека промената на идентитетот, наметната
од власта, не значи само раскинување со сопственото минато
и усвојување на деструктивна расистичка идентификација
туку и дисконтинуитет на свеста за сопственото постоење.
Промената на идентитетот на нацијата, изведена насилно
и со измама, всушност ја уништува свеста за каков било
идентитет, а „преродбата“ ја обезвреднува самата смисла на
националната самоидентификација. Со оваа декултурација
на населението тоа го губи граѓанскиот интегритет и свеста
за вредноста на стекнатите права и волјата за живеење во
слобода, претворајќи се во атомизирана маса на покорници.
Груевизмот е современа форма на фашизмот
За да се обезбедат основните претпоставки за борба
против злото што ни се случува, од најголема важност е да
го препознаеме и да го именуваме тоа зло. Затоа мора да
сфатиме дека владеењето на Груевски е современа форма на
фашизам инсталирана како националистички популизам.
Овој фашизоиден национализам од Македонија направи
первертиран систем со суштински уништена и декоративна
парламентарна демократија, со суспендирани институции
на правната држава, кои власта ги одржува како маски за
прикривање на нејзината тоталитарна природа. Невозможно
26 Мирослав Грчев