sto da se pravi

За да се реализира делигитмирањето на ваквите (не)институции
мора да се почне отпочеток. Основното е во работата со
синдикатите. Тие се социјалните збирни точки. Тие ги имаат
комуникациските канали со целото население. Не е оправдување
да се каже „ама ССМ е корумпиран“. Раководството на ССМ – не
е ССМ, уште помалку членството на ССМ. Ниту е, пак, некаква
релевантна инстанција за (конфедерацијата на) независните
синдикати. Треба да се работи од човек на човек. Директно. Од
синдикат на синдикат. Луѓето имаат вистински проблеми во
секојдневното функционирање. Тука е клучот. Треба да се слуша.
Треба да се работи. Е, сега, „многу работа е тоа“, ама нема друг
начин, освен да се сработи. Меѓународната заедница, исто така,
не е изговорот за „попуштање“. И меѓународната заедница молчи
пред фактите. Понудата на еден ваков радикално спротивен
концепт за општеството, наспроти сегашниот, меѓународната
заедница не може да не поддржи. Во вакво осакатено Собрание,
без трошка дигнитет и визија, не смее да се влезе. Тоа ќе
значи влегување во „пропагандната машинерија“ и засекогаш
загубен легитимитет и можност. Опстојување на концептот,
кој е единствено реакција, а не акција. Ние во моментов сме
единствено реакција, спикани во еден темен тунел, и тоа може
да се „намириса“ на километар. Ние немаме сопствен живот,
немаме сопствени приоритети, сопствена визија, ние сме само
реакција. Лошо звучи, но е вистина. Немаме сопствена агенда.
Компромисот кој не смее да се премине е „техничка
влада“. Техничката влада значи балансирање на односите
внатре во државата, враќање на дел од легимитетот и вербата
во институциите, како и можност за продолжување на договорот
што го нарекуваме „наша држава“. Техничката влада ќе мора да
спроведе попис пред изборите. Принципот на човековите права
и тука помага. Без никаква калкулација треба да се спроведе
попис. Да видиме кои сме, каде сме и каде (треба да) одиме. Без
претпоставени резултати. Што е на терен, тоа е нашата држава и
сите ќе мораме да ја прифатиме како таква. Пописот е суштински
предуслов за нови избори на кои ќе се рефлектира волјата на
луѓето што живеат тука. Реалност наместо пропаганда, или
илузија. Без попис е само поддршка на излузијата за тоа каде
Што да се прави
151