sto da se pravi

Владата во сенка: е првиот чекор на опозицијата што
треба да понуди алтернатива. Членови на владата во сенка
треба да бидат истакнати професионалци во своите области
и да нудат решенија за проблемите во општетсвото. Лидија
Димова за евроинтеграциите е пример за професионалец во
својата област; фала Богу може да се најде професионалец за
секој ресор. А, членови на владата во сенка треба да бидат
и непартиски луѓе, а секако дека треба да се внимава и на
мултиетничкиот карактер. Освен што ќе креира алтерантивни
политики, владата во сенка ќе треба редовно да ги презентира
пред граѓаните, во полни сали низ Македонија.
Движење: Опозицијата ќе мора да почне да организира
и народно движење против ненародната власт. Движењето
треба да има една цел: враќање на демократијата и на
демократските вредности во општеството. Ова движење ќе
мора да биде масовно, да биде мултиетничко и секојдневно
активно низ цела Македонија. Не мора да се вика ОТПОР,
ама мора да создаде отпор. Кога велам „активно“, мислам да
организира мали настани во секое населено место, а барем
еднаш неделно да организира масовен настан. Активистите
на движењето на малите настани ќе треба да мобилизираат
нови членови во согласност со целта, а на граѓаните да им ја
објаснуваат потребата од промени и решенијата на Владата
во сенка. Додека, пак, на масовните настани ќе мора да се
појавува целиот врв на движењето, со јасни идеи, алтернативни
политики и насоки за граѓаните. Мултиетничкиот карактер на
движењето е важен од повеќе причини. Поради масовноста,
поради легитимитетот, поради мултиетничкиот карактер на
државата. Има и уште една важна причина: Да се пресретнат
новите измислени кавги меѓу ДПМНЕ и ДУИ, кои ќе бидат
една од опциите за дефокусирање на граѓаните од вистинските
проблеми, посебно по септемврискиот НАТО-самит и уште
едниот неуспех. Со оглед дека ни се потребни 500.000 гласачи
за јасно да покажаме дека Груевски ги краде изборите,
потребно е да имаме 5.000 активисти, од цела Македонија,
во движењето. Тоа значи дека ќе имаме барем еден активист
што ќе може да се грижи за стоте гласачи во текот на целата
156 Џељо Хоџиќ