sto da se pravi

материјално што го стекнале на незаконски начин (директно
или индиректно). Тогаш многумина ќе сфатат дека подобро
ќе им било да плачеле со чесните, отколку што пееле и славеле
со арамии.
Посебен проблем е и неимплементрањето на Рамковниот
договор. Тој договор успешно го изгасна огнот од 2001 година,
но тој ни по толку години не успеа да создаде ниту микрон
од она што се нарекува – толеранција, соживот, етничка и
граѓанска рамноправност, еднакви можности, демократска
власт, владеење на правото и општ развој. Напротив, во
комбинација со политиката на груевистичка демонизација,
состојбата е доведена до самиот пекол. Сега наместо трајно
помирување, имаме гола омраза; наместо толеранција, имаме
тепачки по автобусите и по улиците; наместо кохезија,
имаме демолирања на куќи и локали; наместо владеење
на правото, имаме владеење на неправдата; наместо општ
развој, имаме врвна сиромаштија. Сè е тука во слободен пад,
освен организираниот криминал, кој е во слободен раст. И,
конечно, си направивме општество без закони, без морал и без
срам, каде што поопасно е да си чесен, отколку криминалец.
И сега само низ една солза од обичниот човек многу појасно
ја гледаме вистинската слика, отколку низ екраните на сите
провладини телевизии.
124 Мерсел Биљали