sto da se pravi

(партиска) вина, на безимени виновници Или веќе немаме
сили дури ни тоа да го направиме, да посочиме на сите оние
креатури од најразличен тип и нивните – и не само нивните
– отворени злосторства против македонската култура Сите
оние „министри“ и „министерки“ за култура, сите оние
„советници“ и „советнички“, „пратеници“ и „пратенички“...
што буквално ги преспиваа мандатите, па покрај нивниот
зимски сон поминуваше сè и сешто во името на македонската
култура Затоа сме ние на дното, апсолутно и дефинитивно.
Каде и да одиме подолу, ако воопшто има подолу, ќе биде
приближно исто. Зашто – веќе отрпнавме. Не реагираме на
ништо. Сè ни е рамно во рамнодушноста! И бесмисленоста!
Или, ако баш сакате, кој ни е денес виновен што веќе
петнаесетина години го имаме најступидниот на свет закон
во културата Некој друг ли ни го донесе, или самата култура
го фалеше и го креваше не една, туку две раце за таков
„закон“! И плачеа дека е подобро некаков отколку никаков
закон. И кој денес ни е виновен што имавме онаква смешна,
типично болшевичка Национална програма за културата
2004–2008 година, од која посмешна е само сегашната
Национална стратегија за развој на културата 2013–2017
година И во која друга земја, освен нашава, државниот
орган надлежен за културата со години по ред не поднесува
јавен извештај, а годишна програма му е – програмата на
институциите Бесмислено „до зла бога“! И кој ни е виновен
што културата, на чело со своите „елитни“ директори, низ
улици и со таламбаси ни протестира против опозицијата
Или што по партиски директиви прогласуваме национални
уметници, што го „булаиќевизиравме“ филмот, а од лавоносци
направивме државни глувци, што ја „рембрантивизиравме“
уметноста, а уметниците ги престоривме занаетчии, што
секоја шуша станува „објавуван“ писател, а вистинските
писатели стануваат политички приврзоци, што од глумиците
правиме „градоначалнички“ и „пратенички“, што од уличари и
полуписмени пискарала направивме „културни“ новинари...
Кој ни е крив што македонската култура, по дефиниција,
во странство е претставувана по секакви периферии и
104 Златко Теодосиевски