sto da se pravi

најмладите. Ним им требаат информации, факти и знаења од
поновата историја до кои тешко доаѓаат. Да не заборавиме
дека еден средношколец што денес има 15 години, се родил во
1999 година, а во 2001 имал само две години. Своето основно
образование го започнал во 2006. Овие генерации неверојатно
малку знаат како се создаваше оваа држава, малку знаат дека
во 90-тите оваа држава градеше институции, систем, армија,
финансиски систем, демократија, а дека по 2001 оваа држава
се враќаше на нормален колосек по воен конфликт и разорана
економија.
Оваа генерација единствено знае дека во деведесеттите,
тие, комуњарите, не градеа споменици, „срам да им е!“. Затоа,
треба да се бараат алтернативни начини, преку неформалното
образование и преку интегрирани повеќенасочни комуникации,
овие информации да стигнат до младите генерации, а
повозрасните да се потсетат.
За крај, ќе сумирам сè што предложив како мерка или
како одговор на прашањето „ШТО ДА СЕ ПРАВИ“.
• Предлагам консолидација, координација и соработка
меѓу сите извори на слободна мисла во оваа држава.
• Предлагам помагање на граѓаните на терен, не со пари
туку со подадена рака.
• Предлагам нови, поавтентични и пореални пораки за
јавноста.
• Предлагам дистрибуција на фактографија за поновата
историја на Македонија, за периодот 1991 – 2006.
146 Марјан Забрчанец