sto da se pravi

Референдуми: Дел од решенијата на владата во сенка
би било добро да бидат ставани на референдум. Тоа ќе биде
од повеќекратна корист за движењето. На референдумски
прашања треба да се ставаат предлог-закони чие усвојување
ќе значи голема придобивка за граѓаните. Закони од сферата
на социјалната политика, работничките права, економијата,
здравството, образованието... Противниците на оваа идеја
имаат аргумент дека избирачкиот список не е исчистен и
дека опозицијата нема да може да изнесе на референдум
50% од гласачкото тело, што е нешто над 900.000 гласачи.
Сепак, овие референдумски прашања ќе го стават ДПМНЕ
во дефанзивна позиција. Ќе мора јавно да застане против
интересите на народот, ќе мора да повика на бојкот или да
го крши по којзнае кој пат Уставот и да не дозволи нивно
одржување, само затоа што тие парите си ги планираат за
своите џебови. Ако ДПМНЕ, надвор од Уставот и од законот,
одбива да спроведе референдум на барање на 150.000
граѓани, тогаш опозицијата ќе може да организира пробни
референдуми надвор од институциите! Тие референдумски
прашања ќе донесат дополнителен маневарски простор.
Ќе донесат дополнителен потенцијал за омасовување на
движењето. Ќе го стеснат просторот на ДУИ, ДПА, ГРОМ и на
некакваси лажна опозиција. Граѓаните ќе можат полесно да ја
препознаат битката за нивните права. Нема да претставуваат
легитимирање на институциите, туку обид да ѝ се врати власта
на граѓаните. Ќе значат делегитимирање на власта и поголем
притисок за прочистување на нереалниот избирачки список.
Со ваквата иницијатива опозицијата многу брзо ќе застане
на нозе и ќе почне да наметнува своја агенда на политичката
сцена во Македонија.
Coцијалната правда е една од темите што се нереално
запоставени од опозицијата и која ќе мора да се наметнува
многу погласно. Повеќе од една третина од населението
живее под работ на сиромаштијата. Социјалците и другите
сиромашни граѓани треба да го преживеат денот со или без 21
денар по член од семејство. Најлесно е да се каже дека тие луѓе
на избори ги купуваат со по 500 денари, што е точно. Сепак,
158 Џељо Хоџиќ