sto da se pravi

година, но и на денот на изборите. Барем 1.500 активисти
треба да бидат од редот на Албанците, Турците, Ромите,
Бошњаците, Власите и Србите. Ќе мора да се најде начин
да се скрши триаголникот Грувески-Ахмети- Тачи, сосе таа
неприродна ситуација во која повеќе од 90% од Албанците се
против политиките на диктаторчето, а нивните политички
преставници му се слуги. На чело на движењето треба да биде
хоризонтално поставено координативно тело од педесет луѓе,
па потоа пирамидално да се постават 500 „десетари“, кои лесно
ќе можат да координираат 5.000 луѓе. Овие 5.000 луѓе по падот
на Груевизмот ќе треба да ја преземат администрацијата.
Барем 500.000 против Груевски и фамилијата: Во
Македонија нема да има слобода, економски просперитет,
владеење на правото, подобра администрација, подобро
здравство, подобро образование, подобра инфраструктура,
инвестиции, ЕУ- и НАТО-интеграции додека се Груевски
и фамилијата на власт. Значи нема друго, мора да се симне
режимот по секоја цена, ако сакаме да имаме нормална
држава. Политиката „подели, па владеј“ е нешто што режимот
го одржува на власт. Етничката поделба, а богами сè повеќе и
верската, е нешто што на опозицијaта ѝ оневозможува да го
ефектуира незадоволството од последиците од политиките на
фамилијата на власт. Тоа важи и за класните поделби, знаеме
дека му е лесно да ги купува сиромашните и да ги рекетира
богатите. Истото важи и за идеолошките разлики, десничарите,
оние од центарот, како и оние од радикалната левица некако
не ја препознаа борбата на опозицијата предводена од
СДСМ. Затоа движењето треба да создаде платформа што ќе
може да собере барем 500.000 гласачи, чиј НЗС е рушењето
на Груевски, без разлика на етничката, верската, класната
или на идеолошката разлика. Убеден сум дека, ако успешно
се постави таа платформа, а потоа успешно и прашањето:
„Или Груевски и фамилијата или нормална Македонија“ се
издигне како „референдумско“, дека разликата меѓу нас и
нив ќе биде огромна во наша корист, а Груевски, ако направи
уште поочигледен фалсификат на некои следни избори, ќе
може сосема оправдано да биде срушен од улица.
Што да се прави
157