sto da se pravi

Значи, уште еднаш, зошто – „ништо“
Ништо, затоа што: ние денес го достигнавме самиот врв
на самобендисаност, затвореност, незнаење, нестручност,
несакање да се научи, самодеструкција... Ништо, затоа што:
ние, особено денес, се искачивме на Олимпот на омразата, на
лагата, на подметнувањето, лицемерството, јанусовштината,
хипокризијата... Ништо, зашто: ние последниве години станавме
шампиони во измамата, себичноста, примитивизмот,
дилетантизмот, манипулацијата, лоповлукот... Дојдовме до
бесмисленоста на постоењето! Ако, пак, ова е само дел од
нашата објективна стварност – или, ако сакате, дел од објективната
стварност на само дел од граѓанството, зашто другиот
дел изгледа ужива во ваквите состојби – тогаш кој паметен би
се занимавал со некакви стратегии и тактики за оправање на
состојбите Во културата, се разбира. Кој е тој што во вакви
услови може да смисли „абракадабра“ потези за подобрување
на состојбите И што значи кај нас денес тоа - подобро И,
што е тоа што може да се подобри И, може ли, воопшто
Зашто она што јас го согледувам и го посочувам погоре како
дел од нашата објективна стварност се само последици на
одделни наши состојби во континуитет. И ние, не само денес,
едноставно ги воочуваме (и се обидуваме да ги проценуваме)
само последиците, и тоа од последниве неколку години. Зашто
тоа е најлесно. Се гледа со голо око.
Ние станавме игноранти и неранимајковци, слепци
и подлизурковци, зашто ништо не ни остана свето, па ни
сопственото потомство. Правиме сè за да го уништиме и
него. Во другото успеавме – уништивме и држава, и култура,
и уметност... Во слепилото забораваме дека сето ова не е
баш само од вчера, дека овие последици се (из)ѕидани со
„трудот“ на многу генерации, и оние од претходните десет,
петнаесет, дваесет години... Или повеќе! Можеме ли еднаш
да се обидеме да ги идентификуваме причините за ваквите
состојби, општите и поединечните (ако ги има, а ги има!)
причини што нè доведоа до ова дно Или повторно живееме
во систем на општа (не)одговорност, на реанимирана групна
Што да се прави
103