Read - bunge .parliament.go. tz

More documents

Recommendations

Info

(ii) Naomba nifanye masahihisho, Mwendamtitu siyo kijiji, ni intake ambayo inategemewa kujengwa. Kwa vile shamba la NAFCO Mbarali lilipokuwa linabinafsishwa, Serikali iliahidi kwamba itawajengea intake ambayo ndiyo inaitwa Mwendamtitu ambayo itasaidia Kata za Rujewa, Ubaruku, Usongwe, Malilo na Mapogolo kwa Vijiji vya Msesule na Itamba. Sasa hivi toka Serikali imetoa ahadi hiyo, bado utekelezaji wake haujaonekana na hivyo kusababisha mgogoro mkubwa kati ya wawekezaji na wananchi, na sasa hivi bajeti iliyotengwa ni Shilingi milioni 500 ambayo nina uhakika haiwezi kujenga intake ile. Je, Serikali ina jitahada gani nyingine za ziada kuona fedha hizo zinaongezeka na hiyo intake inajengwa ili wale wananchi wasiendelee kupata shida na kuwa na mgogoro na mwezekaji NAIBU WAZIRI WA MAWASILIANO, SAYANSI NA TEKNOLOJIA (k.n.y WAZIRI WA KILIMO, CHAKULA NA USHIRIKA): Mheshimiwa Spika, kama nilivyosema katika majibu ya msingi, tayari Serikali imetenga Shilingi milioni 500 kwa ajili ya kuboresha maeneo aliyoyataja Mheshimiwa Mbunge. Namwomba Mheshimiwa Mbunge aende kwenye kitabu cha Mheshimiwa Waziri wa Kilimo, Chakula na Ushirika, ukurasa wa 120, jedwali Na. 5 ataona hizo Shilingi milioni 500 ziko pale. Lakini pamoja na hayo, Serikali inahakikisha kwamba, inayaboresha hayo maeneo hatua kwa hatua kulingana na fedha zinavyopatikana. MHE. MICHAEL L. LAIZER: Mheshimiwa Spika, nakushukuru kwa kunipa nafasi niulize swali moja la nyongeza. Kwa kuwa, kuna mashamba ya NAFCO ambayo yalikuwa mashamba ya mifugo, na sasa hakuna mifugo na Serikali inataka kuyabinafsisha: Je, isingekuwa busara kwa Serikali kutenga maeneo ya kuwapa wafugaji wanaozunguka maeneo hayo ili nao wafugie mifugo NAIBU WAZIRI WA MAWASILIANO, SAYANSI NA TEKNOLOJIA (k.n.y WAZIRI WA KILIMO, CHAKULA NA USHIRIKA): Mheshimiwa Spika, Serikali inapobinafsisha inakuwa na mpango mkakati wa kuhakikisha kwamba wananchi wanaozunguka maeneo yalipo mashamba na wao wanafikiriwa katika kuhakikisha kwamba wanaendelea na shughuli zao kama kawaida. Kwa hiyo, maeneo hayo yatakavyobinafsishwa nimhakikishie Mheshimiwa Mbunge kwamba, suala hilo alilolisema litaangaliwa na kuhakikisha kwamba wananchi hawapati bugudha kama ambavyo amependekeza. MHE. CLARA D. MWATUKA aliuliza:- Na. 419 Makato ya Zao la Korosho Ni kawaida kwa mnunuzi yeyote wa mazao ya nafaka kutafuta soko na kusafirisha mazao hayo: Je, ni kwanini muuzaji wa zao la korosho hulazimishwa kugharamia vifaa kama magunia, usafi wa ghala, usafirishaji pamoja na makato mbalimbali bila maridhiano NAIBU WAZIRI WA MAWASILIANO, SAYANSI NA TEKNOLOJIA (k.n.y WAZIRI WA KILIMO, CHAKULA NA USHIRIKA) alijibu:- Mheshimiwa Spika, kwa niaba ya Waziri wa Kilimo, Chakula na Ushirika napenda kujibu swali la Mheshimiwa Clara Diana Mwatuka, Mbunge wa Viti Maalum, kama ifuatavyo:- Mheshimiwa Spika, zao lolote linapopelekwa sokoni huwa na gharama zake ambazo haziwezi kukwepeka. Baadhi ya gharama hizo ni pamoja vibebeo, utunzaji ghalani, usafirishaji, usimamizi na uendeshaji. Katika kuuza korosho pia kuna gharama na makato mengine ya kisheria sawa na mazao mengine yanayozalishwa nchini. Mheshimiwa Spika, wakulima wa korosho huuza korosho zao kupitia mawakala wao ambao ni Vyama vya Ushirika au Vyama vya Wakulima. Mawakala hao hukusanya korosho na kuzipeleka sokoni kwa maridhiano yao. Wakulima hulipwa malipo ya bei dira (indicative price) na pia hulipwa malipo yatokanayo na bei ya soko au mnadani baada ya kutolewa gharama zilizotajwa hapo juu. 6
Mheshimiwa Spika, natumia fursa hii kuiagiza Bodi ya Korosho, wanunuzi wa korosho na wakulima kuhakikisha kwamba mjengeko wa bei (price structure) katika biashara ya korosho unajadiliwa kwa uwazi katika vikao vya wadau wa korosho ili kuondoa manung’uniko. Aidha, tarehe 20 Agosti, 2011, kikao cha wadau wa korosho kitafanyika hapa Dodoma ambapo pamoja na mambo mengine, masuala yanayohusu gharama zinazohusiana na mfumo wa stakabadhi ghalani yanaweza pia kupewa ufafanuzi. Nawashauri Waheshimiwa Wabunge wote ambao ni wadau wa korosho kuhudhuria kikao hicho muhimu. MHE. CLARA D. MWATUKA: Mheshimiwa Spika, ahsante sana kwa kunipa nafasi ya kuuliza swali la nyongeza. Kwa kuwa, ni kawaida kila mara Serikali inaweza kusema mazuri wakati ule wanapotaka suala lifanyike, lakini baada ya hapo, matokeo yake yanakuwa ni kinyume na makubaliano yale yaliyotolewa. Je, Serikali itakuwa tayari sasa kutuhakikishia kwamba yale yanayosemwa ndiyo yatakayotekelezwa au yanatekelezwa (Makofi) NAIBU WAZIRI WA MAWASILIANO, SAYANSI NA TEKNOLOJIA (k.n.y WAZIRI WA KILIMO, CHAKULA NA USHIRIKA): Mheshimiwa Spika, nimhakikishie tu Mheshimiwa Mbunge kwamba Serikali iko makini na inachosema ndicho inachotekeleza. Namwomba tu Mheshimiwa Mbunge tarehe 20 Agosti, 2011 ahudhurie kikao hiki cha wadau na aweze kutoa madukuduku yake na yatajadiliwa na kukubaliwa na watu wote katika kikao hicho. MHE. HAMAD RASHID MOHAMED: Mheshimiwa Spika, ahsante sana. Sababu moja ya wakulima wetu katika kipindi chote cha miaka 50 ya kuendelea kuwa maskini ni kwa sababu bado hatujawa na viwanda vya kutosha vya kuweza kuongeza thamani ya mazao tunayozalisha. Kwa mfano, bado tunasafirisha asilimia tano tu ya pamba ambayo imekuwa processed, Korosho kwa asilimia 30 tu, karafuu kwa asilimia 15 tu na kadhalika. Je, Serikali ina utaratibu na mpango gani wa kuhakikisha angalau hili zao moja la korosho ambalo tayari lina viwanda ambavyo kama vikisaidiwa tunaweza tukasafirisha zaidi ya asilimia 70 ya korosho iliyosafishwa ili wakulima wetu waondokane na umasikini (Makofi) NAIBU WAZIRI WA MAWASILIANO, SAYANSI NA TEKNOLOJIA (k.n.y WAZIRI WA KILIMO, CHAKULA NA USHIRIKA): Mheshimiwa Spika, Mheshimiwa Mbunge anatambua na aliona hivi karibuni Serikali imeleta mpango wake wa miaka mitano hapa Bungeni, na katika mambo muhimu yaliyowekewa kipaumbele ni kuhakikisha kwamba tunaendeleza viwanda na kuhakikisha kwamba tunakuwa na viwanda ambavyo vitaongeza thamani ya mazao yetu ili tuweze kupata bei nzuri zaidi katika Soko la Dunia. Kwa hiyo, nimhakikishie tu Mheshimiwa Mbunge kwamba, Serikali itaendelea na mpango wake huu wa miaka mitano na itatoa kipaumbele katika maeneo ambayo vilevile Mheshimiwa Mbunge ameyataja. MHE. MESHACK J. OPULUKWA: Mheshimiwa Spika, ahsante kwa kuniona. Sambamba na zao la korosho, napenda kumwuliza Mheshimiwa Waziri swali dogo la nyongeza. Ni lini sasa Serikali itaacha kuweka zuio kwa wakulima wa Mikoa ya Shinyanga hususan Wilaya ya Meatu la kuwazuia kuchanganya pamba pamoja na mahindi Mheshimiwa Spika, ahsante. SPIKA: Mheshimiwa Mbunge, nasikitika sana sio swali lenyewe. Nasikitika sana! Mheshimiwa Waziri wa Nchi, Ofisi ya Rais, (Mahusiano na Uratibu) unataka kujibu, lakini swali siyo lenyewe kabisa! WAZIRI WA NCHI, OFISI YA RAIS (MAHUSIANO NA URATIBU): Mheshimiwa Spika, pamoja na kwamba swali lililoulizwa ni tofauti na swali la msingi, lakini kwa manufaa ya wakulima wa pamba katika Mkoa wa Shinyanga ambao wamekuwa wakichanganya pamba na mahindi, ningependa kusema kwamba kiutaalam na kwa mujibu wa matokeo ya utafiti, mazao ya mahindi kwa 7
Page 1 and 2: BUNGE LA TANZANIA __________ MAJADI
Page 3 and 4: MHE. REGIA E. MTEMA: Mheshimiwa Spi
Page 5: NAIBU WAZIRI WA MAWASILIANO, SAYANS
Page 9 and 10: Nyamigege); Maarifa (kijiji cha Ngo
Page 11 and 12: Moja ni COPEC ambayo hivi karibuni
Page 13 and 14: (c) Mheshimiwa Spika, mwaka 2008 mi
Page 15 and 16: MHE. ESTHER N. MATIKO: Mheshimiwa S
Page 17 and 18: Kwa hiyo basi, uamuzi wangu ni kwam
Page 19 and 20: Mheshimiwa Spika, napenda kuwashuku
Page 21 and 22: Mheshimiwa Spika, kwa mwaka 2010/20
Page 23 and 24: Vijijini, Kinondoni, Mafia, Mkinga,
Page 25 and 26: Natoa wito kwa Halmashauri zote nch
Page 27 and 28: Mheshimiwa Spika, kuhusu kuongeza e
Page 29 and 30: makazi holela kwa kushirikiana na b
Page 31 and 32: Mheshimiwa Spika, katika mwaka 2010
Page 33 and 34: Mheshimiwa Spika, Wakala wa Utafiti
Page 35 and 36: mbalimbali, kwa mfano maonesho, maa
Page 37 and 38: Malengo ya Milenia. Hivyo, naomba k
Page 39 and 40: Mheshimiwa Spika, sita, Idara ya Mi
Page 41 and 42: Mheshimiwa Spika, nchi nyingi zinaz
Page 43 and 44: Mheshimiwa Spika, napenda pia kutoa
Page 45 and 46: utakaogharimu mabilioni za dola la
Page 47 and 48: kubwa sana. Taarifa za kiuchunguzi
Page 49 and 50: 1997. Na ili ardhi husika iweze kup
Page 51 and 52: Sayansi ya Tiba ya Afya (MUHAS) Mlo
Page 53 and 54: Mheshimiwa Spika, kama ilivyoripoti
Page 55 and 56: gharama nafuu. Lengo la Wakala ni k
Page 57 and 58:
kuhakikisha kwamba wanaochezea chez
Page 59 and 60:
Mipango Miji, kuendeleza uovu wao m
Page 61 and 62:
Mheshimiwa Spika, tulikwenda na Waz
Page 63 and 64:
na maombi ya kampuni hiyo kuwa kati
Page 65 and 66:
endelevu kutambua maeneo haya na ku
Page 67 and 68:
nafuatilia vizuri Rutoro Muleba kwa
Page 69 and 70:
MHE. MODESTUS D. KILUFI: Basi Mhesh
Page 71 and 72:
Mheshimiwa Mwenyekiti, Kigamboni, h
Page 73 and 74:
wapo, Majeshi yapo, bunduki zipo la
Page 75 and 76:
wananchi kwamba utaratibu tuliojiwe
Page 77 and 78:
unatokea katika Kata ya Chanika, ka
Page 79 and 80:
hatuwezi kufanya Kwa hiyo, naomba W
Page 81 and 82:
maendeleo Tukijenga Chuo Kikuu kile
Page 83 and 84:
MWENYEKITI: Waheshimiwa Wabunge, ka
Page 85 and 86:
Mheshimiwa Mwenyekiti, tumepeleka o
Page 87 and 88:
Mheshimiwa Mwenyekiti, naomba nitoe
Page 89 and 90:
Leo amekuja Mheshimiwa Waziri humu
Page 91:
Kwa hiyo, baada ya hao niliowataja
show all

Read - bunge .parliament.go. tz

Create successful ePaper yourself

Delete template?

Save as template?