Bioaniztasuna (6 Mb)
Bioaniztasuna (6 Mb)
Bioaniztasuna (6 Mb)
Create successful ePaper yourself
Turn your PDF publications into a flip-book with our unique Google optimized e-Paper software.
A.7 A R I K E T E N A Z A L P E N A<br />
IKUSI ETA IKASI!<br />
Ariketa honetan, besteetan ez bezala, unitate<br />
didaktiko honetako metodologi oinarri guztiak<br />
daude bilduta (ikus fitxa):<br />
C E I D A<br />
- Gure hurbileko ingurunea hezkuntz<br />
prozesuaren baliabide iraunkor bihurtu behar<br />
da, eta izadiarekiko harremanak bultzatu.<br />
- Hobeto ikasten eta gogoratzen da egiten dena<br />
ikusten dena baino, ikusten dena entzuten dena<br />
baino.<br />
- Ingurugiro hezkuntzak ingurunearen behaketa<br />
izan behar du oinarri, ingurugiro arazoei<br />
buruzko ausnarketa eragin behar du, eta ikaslea<br />
hura zaintzeko ekintzetan parte hartzera<br />
bultzatu behar du.<br />
Ariketaren helburua bikoitza da: alegia, batetik,<br />
ikastetxean egindako ariketak komunitatera zabaltzea,<br />
eta, bestetik, ikaslearengan, txiki-txikitatik, gizarte<br />
proiektuetan parte hartzeko ohitura sustatzea.<br />
Erakusketa eta ibilbide botanikoa antolatzea erabaki<br />
da oraingoan. Ikasleari, erakusketa egiteko arrazoiak<br />
azaltzean, esan behar zaio erakusketa “aukera bat<br />
dela herriko edo auzoko jendeak gure lana ezagut<br />
dezan eta izaki bizidun guztiak errespetatu beharraz<br />
ohar dadin; izan ere, gizakiak bizirik iraungo badu,<br />
ezinbestekoak dira izaki bizidunak, eta, gainera, guk<br />
bezainbeste eskubide dute Euskadin eta Lurrean<br />
bizitzeko. Erakusketa ikustera etortzen direnak,<br />
bestalde, izadiak eskaini eta guk geuk landutako<br />
produktuez gozatu ahal izango dute”.<br />
Erakusketa “Zuhaitzaren eguna” edo “Ingurugiro<br />
eguna” ospatzen den egunerako presta daiteke.<br />
Eta ikastalde guztien parte hartzea eskatuko da,<br />
ikastetxeak inguruko komunitatearen kitzikatzaile<br />
izan behar duela zabaltzeko.<br />
Txangoa ere antolatu beharra dago, erakusgai jarriko<br />
diren produktuak egiteko behar den materiala<br />
biltzeko: lurrinak, tinduak, zumeak, kolonia, lore<br />
B I O A N I Z T A S U N A Z B A L I A T Z E N<br />
lehorrak, … Bibliografian bada produktu horiek nola<br />
egiten diren azaltzen duen libururik. Hemen, adibide<br />
gisa, girotzaile bat egitea proposatzen dugu.<br />
Txangoa hainbat sentimen edo zirrara eragiteko<br />
ibilbide gisa prestatu behar da. Bibliografiako<br />
liburuetan horretarako ariketa aproposak aurkitzen<br />
dira. Adibide gisa, soinuen mapa bat nola egin<br />
deskribatzen da labur-labur (CORNELL, J.4):<br />
Haurrei erdian X bat duen orri bana emango<br />
zaie. Orri bakoitza mapa bat dela azalduko zaie<br />
eta X letrak non eserita dauden adierazten duela<br />
esango zaie. Haurrek, hots bat entzutean, hura<br />
deskribatzeko zeinu bat egin behar dute orrian, hots<br />
hori entzun den norabidea eta distantzia kontuan<br />
hartuta. Zeinuek interpretatiboak izan behar dute,<br />
ez literalak. Begiak itxita egotea gomendatuko<br />
zaie, hotsak hobeto entzuteko. 5-10 bat minutuz<br />
jardungo gara hotsak entzuten eta mapak egiten.<br />
Gero, bateratze lana egingo da. Nork bere mapa<br />
erakutsiko die gainerako ikaskideei, eta ariketaz<br />
hitz egingo da, era honetako galderak eginez: zenbat<br />
soinu diferente entzun duzue? Zein gustatu zaizue<br />
gehien? Zein gutxien? Zer dela eta? Ezagunak al ziren<br />
hotsak? Zer gogorarazten zizueten?...<br />
Horren ondoren mimika joko bat egitea proposatzen<br />
da, izaki bizidunak kaltetzen dituzten portaerekiko<br />
sentiberatasuna areagotzeko ikaslearengan.<br />
Ikastaldea talde txikietan banatuta, ekintza<br />
gaitzesgarri bat deskribatzen duen txartel bana<br />
emango zaie ikasleei. Bost bat minututan txartelean<br />
adierazten den ekintzari buruzko antzezpen labur<br />
bat prestatu behar dute. Antzezpen bakoitzaren<br />
ondoren, ekintza gaitzesgarri horiez hitz egingo<br />
da: inoiz egin ote duten horrelakorik, hori egiteak<br />
zer ondorio dituen,... Hona ekintza gaitzesgarrien<br />
zerrenda bat, txarteletarako erabil daitekeena:<br />
I N G U R U G I R O H E Z K U N T Z A R A K O M A T E R I A L A K 83<br />
14. A R I K E T A