Amanda Buys se Geestelike Dekking - Kanaan Ministries

10. HINDOEïSME
Hemelse Vader, U sê U is die Here, dit is U naam en U gee nie U eer
aan ander nie, ook nie U lof aan gesnede of gevormde beelde nie. U
sê ook dat dié wat op gesnede beelde vertrou, diep beskaamd sal
staan (Jes. 42: 8, 17). U sê dat die volke wat gesnede beelde
aanbid, U terg met hulle vreemde, nietige afgode (Jer. 8:19).
U is die Here, en buiten U daar is geen ander God nie. Dit is U wat
die aarde gemaak, die mens geskape het. Met U hande het U die
hemele uitgespan en aan die ganse leërskare bevel gegee. U is
waarlik God en daar is geen ander God naas U nie
(Jes. 45: 5, 12, 14).
U bevestig U Woord oor en oor deur te sê dat daar buiten U geen
God is nie, want U alleen is ‘n regverdige en reddende God (Jes.
45:21). U sê nasies weeg goud en silwer af en huur ‘n goudsmid om
‘n god daarvan te maak, dan kniel hulle voor die hangemaakte god,
buig voor hom neer, dra hul god op die skouers rond, en maak hom
weer op sy plek staan. Al roep iemand hom, beweeg hy nie; hy
antwoord nie en verlos ook niemand uit sy benoudheid nie
(Jes. 46: 6, 7, 8).
Ek weet U alleen is ‘n rotsvesting in tye van benoudheid. U alleen red
ons uit al ons benoudhede. U is in ‘n hoë mate beproef as hulp in
benoudhede (Ps. 9:10; 34:18; 46:2). Ek weet as ek na U roep, hoor
U; U red die behoeftiges wat na U roep. As ek na U roep, dan
antwoord U my; selfs voordat ek in my benoudheid roep na U, dan
antwoord U alreeds (Ps. 34:18; 72:12; Jes. 58:9; 65:24).
Dit is nie ons wat U moet dra nie, maar U wat ons dra, wat al ons
siektes, sondes en smarte dra en ons selfs tot die grysheid toe sal
dra. U sê U sál dit doen, U sál ons opneem en ons dra (Jes. 46:4).
Prys U heilige naam! Loof U Jesus, Seun van God, my Heer en my
Meester!
Vader, in die Naam van Jesus Christus van Nasaret, kom ek vandag
na U toe, slegs deur die prys wat Hy vir my betaal het aan die Kruis
van Golgota en deur sy Bloed.
Ek erken dat ek in die misleiding en dwaalleer van Hindoeïsme
betrokke was.
100