Amanda Buys se Geestelike Dekking - Kanaan Ministries

In die Naam van Jesus klim ek nou af van hierdie Boeddhistiese
voertuig in die geesteswêreld. Ek draai nou my rug daarop en stap
daarvan weg.
In die Naam van Jesus sny ek ook my sielsverbintenis met alle
Boeddhistiese lande: Nepal, Tibet, Indië, Viëtnam, China, Korea,
Japan, Sri Lanka, Burma, Thailand, Laos en Kambodja.
Ek verwerp en verloën die volgende leerstellings van Boeddhisme en
vra vergifnis vir my geloof daarin. Ek bind, bestraf en weerstaan nou
elke gees van godsdiens, elke leuengees, dwaalleer en misleiding, in
die Naam van Jesus.
1. Elke leerstelling wat vervat is in die drie mandjies
(tripitaka):
i) die Vinaya Pitaka wat voorgeskrewe reëls en regulasies is
vir die kloosterordes en dissiplines.
ii) die Sutra-Dharma Pitaka - Boeddha se doktrines, sy
lewensverhaal, teorieë oor die self en hergeboorte
(reïnkarnasie), die “three jewels” en die “precepts”.
iii) die Abhirdharma Pitaka, wat handel oor gevorderde
doktrines en filosofieë.
2. Die Dhammapada of “Pad van die Natuur”. (Dis die oudste
Boeddhistiese teks en bevat die “four noble truths”, “The noble
eightfold path” en ander leringe oor moraliteit en selfdissipline.)
3. Reïnkarnasie as die hart van Boeddhisme.
4. Intense meditasie.
5. Glo aan geen god nie - ateïsme. (Aanbid beelde en afgode -
ook mensaanbidding.)
6. Redding is die volmaakte ontvlugting van die sirkel van
hergeboortes.
7. Redding kan alleen verkry word deur die “noble eightfold path”
stiptelik na te kom.
126