Amanda Buys se Geestelike Dekking - Kanaan Ministries

9. WORLDWIDE CHURCH OF GOD
[Herbert Armstrong – The Plain Truth – the old order]
Vader, dankie dat ek weet volgens 1 Joh. 5 : 18 is ek uit God gebore
en daarom bewaar ek myself en die bose het geen vat meer op my
nie. Dankie, Vader, dat ek weet, omdat ek die Seun het, daarom het
ek die lewe.
Vader, omdat ek weet dat ek uit God gebore is, kan ek ook die wêreld
oorwin volgens 1 Joh. 5 : 4. Dankie dat ek weet die Bloed van Jesus
Christus van Nasaret reinig ons van alle sondes. Dankie dat ek ook
weet dat die Here my sal verlos van elke bose werk en my red om in
Sy Hemelse Koninkryk in te gaan.
Vader, in die Naam van Jesus Christus van Nasaret, my Saligmaker
en Verlosser, verwerp en verloën ek die “Worldwide Church of God”
en sny ek alle sielsverbintenisse met enige persone daaraan
verbonde asook met die stigter daarvan, Herbert W. Armstrong.
Ek verwerp en verloën die volgende leerstellings van die “Worldwide
Church of God” naamlik:
1. Dat die Romeine die ware evangelie van Jesus Christus in die
jaar 69 N.C. totaal vernietig het en dat die evangelie wat daarna
verkondig is, ‘n valse evangelie was. Dat die “Worldwide Church
of God” in 1934 weer begin het om die ware evangelie van
Jesus Christus te verkondig.
2. Ek verwerp en verloën die kerk se tydskrif nl. “The Plani Truth”.
3. Dat die tien verlore stamme van Israel dwarsoor Europa
geswerf het nadat hulle uit die hande van Assirië bevry is en dat
hierdie 10 verlore stamme die voorvaders van die Britte is. Ek
verwerp die verklaring dat die woord Saxon afgelei is van
“Isaac’s son”.
4. Ek verwerp en verloën die stelling dat die Al Aksa moskee deur
‘n Australianer amper afgebrand was sodat die “Worldwide
Church of God” die tempel daar kon herbou.
97