Amanda Buys se Geestelike Dekking - Kanaan Ministries

Ek verwerp en verloën ook alle vorme van towery, verstandsbeheer,
vuuraanbidding, swart kunste (Lamas), toestande van verrukking,
zombies, Alants, Maccumbas, voedoe-toordokters, Goeroes en al hul
rituele en leerstellings. In die Naam van Jesus Christus verbreek ek
alle sielsverbintenisse met enigeen van hierdie persone en vra dat U
my asb. sal herstel in die regte verhouding tot U. Ek vra vergifnis vir
my betrokkenheid by al hierdie dinge.
Ek distansieër myself nou ook van die doel van meditasie, nl. om die
slegte Karma wat in die onderbewuste is te elimineer, die gedagtes
skoon te maak van alle slegte skuldgevoelens en ‘n superbewussyn
te kweek wat my ‘n god in eie reg maak wat my eie lotsbestemming
kan bepaal.
Ek verklaar en bely dat slegs die bloed van Jesus Christus my kan
reinig van alle sondes (I Joh. 1:7).
In die Naam van Jesus Christus verwerp ek nou alle Hindoeïstiese
rituele, nl.:
• die inlywingsritueel - die plasing van ses blomme (stel lewe
voor), drie stukkies vrugte (stel saad van die lewe voor) en ‘n wit
sakdoek (stel reiniging van die gees voor), op ‘n tafel voor die
foto van Shri Guru Dav, terwyl ‘n ander Goeroe ‘n lied sing
(Puja, Vedi - lof ter ere van die gestorwe meesters).
• Ek verwerp en verloën ook die geheime mantra wat ek ontvang
het in die Naam van Jesus Christus en vra dat u asb. hierdie
woord uit my gedagtes sal brand met U verterende vuur.
Ek verklaar en erken dat Hindoe-meditasie die volgende bose werke
verteenwoordig, nl.
1. self-hipnose.
2. self-vergoddeliking.
3. natuurlike, aardse godsdiens verhef tot die goddelike.
4. demoniese misleiding, dwaalleer en leuens is.
117