Amanda Buys se Geestelike Dekking - Kanaan Ministries

14. Die pater (vader) het aan die einde van ‘n langwerpige kamer gestaan en
geheimsinnige bloed rituele uitgevoer; daar was ‘n binnenshuise “altaar” by hom,
waarop ‘n slagoffer (Latyns, “draer”) geoffer is. Hulle het ‘n son-vormige wafelskyf
gehad soos die Egiptenare, en die samekoms het gelyktydig gekniel, gesit en
gestaan.
Dit was gedurende hierdie tyd van die “botsing” toe Christendom en Mithraïsme
saamgesmelt het, dat Jerome die Griekse Skrywes van die “Nuwe Testament” in Latyn
vertaal het – (391-403). Sy regte naam was Eusibius Heirymonius Sophronius. Hy het die
Griekse woord SAUROS (balk, stok, paal) geneem, en dit oorgedra in die Latynse woord
CRUX. Dit was ‘n belangrike verskuiwing in die betekenis van die oorspronklike woord. Die
Hebreeuse woord was ‘NAS’, gebruik vir die woord “PAAL” waarmee die slang opgelig is.
Vir ‘n Mithraïs het die CRUX ‘n belangrike godsdienstige betekenis. Dit kon aangebied word
as ‘n “X” of ‘n vertikale lyn wat horisontaal gekruis is. Gedurende die lente wanneer die
Mithraïste ‘n Taurus (bul) geoffer het, het die son die hemelse ewenaar “GEKRUIS” en dit
was in die zodiac teken van die Taurus. (Zodiac beteken eintlik diere-figure, verwant aan
die woord “zoo” (dieretuin). Hierdie rasende Heidene het dit vertolk as die son (Mithras) wat
die bul oorwin, en die hemelse ewenaar “kruis”, dus was die kruis hul mees geliefde
godsdienstige simbool. Die kruis, ‘n simbool van baie verskillende Heidense kultusse
oral oor die wêreld, is wat leerlinge noem “die simbool van die son, by uitstek”.
Die woorde wat ons oorgeërf het van “Jerome” se Latynse vertaling, sluit kruis, kruisiging
en herderstaf in. Dus, “kruis” is ‘n Latynse uitdrukking. In een van sy Babiloniese vorms, is
dit getitel crux, met ‘n pylpunt by die hoogste kant, verteenwoordigend van Nimrod wat op
die toring staan en sy pyl na die hemele skiet. Dit was ‘n pyl en boog. Dit mag moontlik ook
wees dat hy na die konstellasie van Taurus geskiet het. Dit is die skakel met die “Goue
Kalf”. Ons noem nog steeds die middelpunt van ‘n boogskiet teiken, die “bull’s eye”. Die
teken van die “kruis” was ‘n Heidense teken van “oorwinning”. Die Babiloniese konstellasie
“Orion” die Jagter (Boogskutter), verteenwoordig Nimrod van Babilon. Heidene het
Astromansie (sterre-aanbidding), Pyromansie (vuuraanbidding), en Nekromansie
(geestesbeswering), beoefen, asook ander okkultiese vorms van waarsêery, en die kruis
was baie nou gekoppel aan hierdie rituele – en is nog steeds. ‘n “Swart Mis” gebruik die
kruis en dit is gepraktiseer lank voordat die Christendom bestaan het. Laat ons ons
geestelike prioriteite in plek hou soos ons voortgaan, en kyk of die Merk van die Dier op
enige manier gekoppel kan word aan Son-dag, die son self in Heidense aanbidding, en die
Heidense simbool van die son.
Sedert die idee dat Moeder Aarde gedurende die lente (Ishtar of ‘Easter’) bevrug is, was die
Babiloniese simbool vir “vrou” ook ‘n kruis, met die son-sirkel bokant dit (die son het die
“bevrugting” gedoen). Indien jy Konstantyn navors, sal jy agterkom dat hy ‘n visioen van die
son gehad het met ‘n “Kruis” onderkant dit, dieselfde simbool wat vandag in biologie gebruik
word vir “vroulik”, ‘n tipe van “ankh. Die sirkel word ook vertolk as die son, en “sirkusse soos
dié gehou deur Caligula, was okkultiese godsdienstige vertonings, met diere van die Zodiac
en drie “ringe”. Die Olimpiese Spele vandag, gebruik 5 ringe as ‘n logogram,
verteenwoordigend van die 5 oorspronklike planetêre godhede wat in Babilon aanbid is.
Om die waarheid te sê, dit is steeds die gebruik om ‘n brandende fakkel te dra, aangesteek
by die “heilige vuur” altaar op die Berg Olimpus, na die plek waar die spele gehou word.
Waar die spele gehou word, word ‘n altaar, toegewy aan Zeus, aangesteek met hierdie
fakkel, sodat al die nasies en atlete wat deelneem, onwetend vir Zeus aanbid. Die hele
wêreld volg agter die “Dier”, deur hierdie gefossileerde gebruike! Jy kan dus sien dat daar
baie maniere is waarop ons ‘n leuen kan leef en ‘n “merk” of uiterlike teken kan hê dat ons
hierdie dier volg. Menslike tradisies mag op die oog af onskuldig voorkom, maar hul
49