Amanda Buys se Geestelike Dekking - Kanaan Ministries

8. ROSEKRUISERSLEER
In die Naam van Jesus Christus van Nasaret verklaar ek dat ek uit God
gebore is en dat die bose geen houvas op my het nie.
As kind van God is ek gereinig van al my sondes en ongeregtighede
deur die Bloed van Jesus Christus, my Redder en Verlosser.
Ek behoort aan die Heilige Gees, liggaam, siel en gees.
Ek onderwerp my aan God, weerstaan die duiwel en weet dat hy van my
moet wegvlug volgens Jakobus 4:7.
In Jesus Christus se Naam bely ek nou dat ek skuldig is aan die sonde
van afgodery in die Rosekruisersleer. Ek bestraf en bind alle bose
geeste van misleiding, dwaalleer en leuens van die Rosekruisers wat
nog 'n houvas op my of my huisgesin het, in die Naam van Jesus
Christus van Nasaret.
Ek verwerp en verloën die antieke, mistieke orde van
Rosekruisersleer en alle geestelike simbole, nl. die rooi roos op die
kruis en die kruis self; die simbool agter die rooi roos nl. die "geestelike"
ontplooiing van die mens en die "geestelike" uitdagings en wedervaringe
van die lewe; die valse roos en kruis, in die Naam van Jesus Christus.
Ek verklaar die Kruis van Golgota, die Kruis van Jesus Christus van
Nasaret, as die enigste ware Kruis.
Ek verloën en verwerp die mistieke wortels van die Rosekruisersleer,
nl. die mistieke tradisies, filosofie, mites en fabels en "godsdienste"
van Antieke Beskawings.
Ek verwerp en verloën die 3 manifesto's van Rosekruis, asook die
"Monas Hieroglyphica" van John Dee en die mistieke metodes en
doelstellings van die orde van Rosekruis, nl:
Die betreding van die mistieke weg op pad na die innerlike mens
(innerlike reis).
Die beheer van 'n eie lotsbestemming / eindbestemming.
Die ontwikkeling van 'n eie filosofie.
Om beheer or God te verkry deur die self te beheer.
Die bestudering en navorsing van praktiese toepassing van
natuurlike en geestelike wette.
87