Amanda Buys se Geestelike Dekking - Kanaan Ministries

12. BOEDDHISME
Vader, U Woord sê dat ons ons nie tot afgode moet begeef of vir ons
gegote beelde of gode moet maak nie (Lev. 19:4). U Woord sê ook
dat ons geen ander gode voor U aangesig mag hê van wat bo in die
hemel is, of van wat onder op die aarde is, of van wat in die waters
onder die aarde is nie. Dat ons ons ook nie voor hulle moet neerbuig
nie, want U is ‘n jaloerse God, wat die misdaad van die vaders
besoek aan die kinders, aan die derde en die vierde geslag van dié
wat U haat (Ex. 20:4, 5).
U Woord sê gegote beelde is ‘n leuen en dat daar geen gees in hulle
is nie; Hulle is nietige afgode, ‘n spotterny in U oë (Jer. 10: 14, 15).
U sê ook dat ‘n man wat op ‘n mens vertrou en vlees sy arm maak
terwyl sy hart van U afwyk, (Jer. 17:5).
Vader, in die Naam van Jesus vra ek nou vergifnis vir my en my
voorgeslagte se betrokkenheid by Boeddhisme, ‘n godsdiens van
afgodery wat die mens aanbid bo die skeppergod deur wie die mens
gemaak is.
Vader, in die Naam van Jesus Christus, die Seun van God, verwerp
en verloën ek nou Siddhartha Gautama Boeddha, wat die stigter is
van Boeddhisme. Ek sny my sielsverbintenis met hom en elke ander
Boeddha ná hom in die Naam van Jesus.
Ek verwerp en verloën ook beide takke van Boeddhisme, asook elke
ander beweging in Boeddhisme, bv. die Zen-Boeddhisme, asook:
1. Theravada - Boeddhisme (Little vehicle).
2. Mahayana - Boeddhisme (Great vehicle).
Ek sny my sielsverbintenis met alle takke van Boeddhisme, in die
Naam van Jesus, en vat my grondgebied by Satan terug en skeur al
my kontrakte met Boeddhisme en Satan op. Ek bind, bestraf en
weerstaan die gees van Boeddhisme in die Naam van Jesus.
Ek verwerp en verloën ook die Boeddhistiese voorstelling dat
Boeddhisme ‘n skip/voertuig is wat jou dra oor die oseaan van die
wêreld van lyding tot verby ‘n punt waar net saligheid en redding
oorbly.
125