Amanda Buys se Geestelike Dekking - Kanaan Ministries

Laastens verwerp en verloën ek die volgende leerstellings van
Hindoeïsme, nl.
1. dat die ego van die mens voortreflik is en innerlik is, m.a.w.
sonder begin en einde, sonder geboorte - of sterfdag – en dat
die beoefening van Joga die samevoeging is van die fisiese en
metafisiese wêreld. Ek verwerp en verloën ook alle vorme van
die mistieke, okkulte en towery in die Hindoe-sisteem in die
Naam van Jesus Christus van Nasaret.
2. Ek verwerp ook al die fases van Joga, nl. die beheer van my
liggaam en onderbewussyn, die beheer van my onderbewussyn
en my bloedsirkulasie, die bemeestering van alle natuurlike
kragte, swart kunste en towery.
3. Ek verwerp en verloën alle vorme van bio-terugvoer, silva
verstandsbeheer, TM, Joga, mantras en asemhalingsoefeninge,
verstandsbeheer, self-hipnose, hipnose, ESP, alle spiritistiese
bedrywighede, alle vorme van heldersiendheid, Joga
fiksheidskassette, alle vorme van visualisering en meditasie en
astrale projeksies.
Ek vra vergifnis vir my en my voorgeslagte se betrokkenheid hierby in
die Naam van Jesus Christus van Nasaret.
In die Naam van Jesus Christus draai ek nou my rug op hierdie
praktyke van Satan. Ek neem my grondgebied terug, skeur al Satan
se kontrakte op en verjaag elke poortwagter.
Ek stap nou finaal weg van alle Hindoeïstiese afgode, leerstellings,
altare, rituele en praktyke en gee my totaal oor aan die Heerskappy
van God die Vader, en van Jesus Christus die Seun, en die Heilige
Gees van God.
Ek maak vandag ‘n onberoulike, onomkeerbare keuse vir die
Koninkryk van God en onderwerp nou my gees, siel en liggaam aan
die Koninkryk van die Waarheid, nl. Jesus Christus van Nasaret. Ek
kies nou om Hom te vertrou en aan te neem as my persoonlike
Saligmaker en my Verlosser.
AMEN.
118