Amanda Buys se Geestelike Dekking - Kanaan Ministries

In die Naam van Jesus Christus van Nasaret en met die swaard van
die heilige Gees, sny ek nou myself en my nageslag los van hierdie
Kundalini-krag.
Ek verwerp en verloën ook Shakti en Shiva wat, as hulle verenig, die
Kundalini-slang opwek. In die Naam van Jesus Christus isoleer ek
nou Shakti, Shiva en die Kundalini-slang van mekaar en beveel ek
hulle om my onmiddellik te verlaat. Ek verjaag ook hulle
poortwagters, skeur al hul indiensnemings-papiere op en kanselleer al
hul opdragte. Vader, sal U hierdie deure asb. nou toemaak en
verseël met die Bloed van Jesus Christus van Nasaret. Ek sny nou
ook in Jesus Naam my sielsverbintenis met aldrie hierdie bose magte.
Ek verwerp en verloën ook al die volgende Hindoeïstiese ideologieë
en leerstellings en vra vergifnis vir my en my voorgeslagte se geloof
daarin, nl.
1. dat verlossing alleen moontlik is as jy met die hulp van ‘n
Goeroe tot die insig kan kom dat jy self god is.
2. dat reïnkarnasie jou help om een te word met die heelal; dat dit
alleen kan gebeur as die Atman (vonkie) in my verenig met
Brahman (vuur).
3. dat ek op gereelde tye, stiptelik getrou, elke Surya Namaskar
(sonaanbidding) oefening moet doen om die songod tevrede te
stel. Ek vra vergifnis vir die reekse oefeninge en
liggaamsposisies wat ek daagliks met sonsopkoms gedoen het.
4. Ek verwerp alle vorme van Joga wat eenwording met die
Hindoe-gode ten doel het. (Sonder hierdie eenwording sal daar
nie saligheid wees nie.)
Ek verklaar en bely dat verlossing alleen moontlik is deur die Seun,
Jesus Christus, as my Saligmaker en Verlosser aan te neem (Hand.
4: 10-12).
5. Ek verwerp die idee dat daar nooit bevryding kan wees uit die
Moksa/Karma-wiel van reïnkarnasie nie. Ek erken dat daar
geen vergifnis in Karma is nie; die vergifnis is slegs in Jesus
Christus. Die toestand van nirvana kan jou nooit verlos uit
hierdie bose kringloop nie, slegs die oorwinnende krag van die
kruisdood van Jesus Christus.
114