Amanda Buys se Geestelike Dekking - Kanaan Ministries

14. RASTAFARIE (ook bekend as `Ethiopianism')
Hemelse Vader,
In die naam van die Here Jesus Christus van Nasaret vra ek vergifnis
vir my betrokkenheid by Rastafarie. Ek verloën hierdie valse
godsdiens en alles waarvoor dit staan in die Naam van Jesus.
Ek glo die Messias, Jesus Christus van Nasaret, is gebore uit die
stam van Juda. Ek glo Jesus Christus is die eniggebore seun van
God en dat elkeen wat in Hom glo, nie verlore sal gaan nie, maar die
ewige lewe sal hê. Ek glo Jesus Christus is die enigste Weg, die volle
Waarheid en die Ewige Lewe en dat niemand na die Vader kan kom
behalwe deur Hom nie.
Ek glo die Bybel is die enigste geïnspireerde Woord van God wat aan
die mensdom gegee is vir oortuiging, onderrig in die waarheid en om
verkeerdhede reg te stel.
Ek verloën en verwerp die wortel van Rastafarie, te wete die
Universal Negro Improvement Association, wat tot stand gekom het
deur die valse profeet Marcus Mosiah Garvey, 'n Jamaikaan wie se
voorsate uit Afrika kom. Ek verwerp ook die organisasie se leuse
"Afrika vir die Afrikane" en sy profesie dat 'n Afrika-koning die
Messias sou word.
Ek verloën en verwerp die wortels van bitterheid en haat teenoor die
witman vanweë die menseroof, slawerny en verdrukking. Ek bely en
verloën haat jeens die gevestigde orde (establishment) en alles
waarvoor die witman en sy samelewing staan. In die Naam van Jesus
vra ek dat U my sal vergewe en losmaak van die gebondenheid van
haat. Ek spreek nou diegene vry wat verantwoordelik was vir die
wegvoering en verslawing van my swart voorgeslagte.
Ek verloën en verwerp die bewering dat Negus Tafari, bekend as
Ras (prins) Tafari, ook bekend as Haillie Selassie, 'n direkte
afstammeling van koning Salomo en die koningin van Skeba is, en
dat hy die tweede Jesus Christus en verklaarde Messias is. Ek
verloën en verwerp die geloof dat Haillie Selassie (d.i. Ras Tafari) die
Koning van die Konings, Heer van die Here en die Oorwinnende Leeu
van Juda is.
151