Amanda Buys se Geestelike Dekking - Kanaan Ministries

Jos 18:7 “Want die Leviete het geen aandeel onder julle nie, omdat die priesterskap
van die HERE hulle erfdeel is; en Gad en Ruben en die halwe stam van Manasse
het hulle erfdeel ontvang oorkant die Jordaan in die ooste, wat Moses, die kneg van
die HERE, hulle gegee het.”
1Pe 2:5-9 “en laat julle ook soos lewende stene opbou, tot ‘n geestelike huis, ‘n
heilige priesterdom, om geestelike offers te bring wat aan God welgevallig is deur
Jesus Christus. Daarom staan dit ook in die Skrif: Kyk, Ek lê in Sion ‘n uitverkore
en kosbare hoeksteen, en die wat in Hom glo, sal nooit beskaam word nie. Vir
julle dan wat glo, is Hy kosbaar; maar vir die ongelowiges geld die woord: Die
steen wat die bouers verwerp het, dit het ‘n hoeksteen geword; en: ‘n Steen des
aanstoots en ‘n rots van struikeling—vir dié wat hulle daarteen stamp, omdat
hulle aan die woord ongehoorsaam is, waarvoor hulle ook bestem is. Maar julle
is ‘n uitverkore geslag, ‘n koninklike priesterdom, ‘n heilige volk, ‘n volk as
eiendom verkry, om te verkondig die deugde van Hom wat julle uit die duisternis
geroep het tot sy wonderbare lig,”
Heb 10:11 “En elke priester staan wel dag vir dag om die diens waar te neem en
dikwels dieselfde slagoffers te bring wat tog nooit die sondes kan wegneem nie;”
Die Priester word deur drome en visioene in sy amp geplaas as herder van die
gemeente.
Die Priester moet elke aktiwiteit gedurende die week bywoon want hy is die enigste
een wat die diens mag open, en na die verigtinge die seën uitspreek.
Die Priester is verantwoordelik vir die lede in sy area om seker te maak dat hulle
aktief is en werk vir “siel saligheid”
As jy nie werk vir “sielsaligheid” nie kan jy dit nie ontvang nie, en dan sal die siel na
die dood moet werk op aarde vir sy sielsaligheid.
Die Priester moet aan sy lede skriftelik toesteming gee om weg te gaan vir `n
naweek of met verlof, anders het die persoon nie “die seën” met hom nie. Indien iets
met hom op die pad gebeur, dan beteken dit dat hy onwettig op die pad was.
Die Priester moet toestemming gee voor `n lid na `n dokter mag gaan. As hy
medikasie ontvang dan moet hy dit na die Priester neem sodat hy dit kan seën.
Die Priester moet reël vir “gesalfde handelinge” as die lid daarvoor vra. As die
Priester dink dat dit nodig is, dan sal hy dit reël met die Oudste vir die eerste Sondag
van die maand.
27