Amanda Buys se Geestelike Dekking - Kanaan Ministries

7. SCIENTOLOGY
In die Naam van Jesus Christus van Nasaret verwerp en verloën ek die
volgende leerstellings van die Scientology Kerk, nl.
a) Dat die mens uit vier dele bestaan, Thetan (Thayton uitgespreek)
die ontsterflike gees wat kan reïnkarneer. Dat die Thetan in totale
beheer is van die hele persoon en in staat is om ontsaglike krag te
genereer.
b) Ek verwerp en verloën die leerstellings dat die Thetan die heelal
geskep het maar oor 'n tydperk van miljoene jare so vasgevang
geraak het in hul eie skepping dat hulle hul ware grootheid vergeet
het, en dat dit slegs deur Scientology is dat 'n Thetan weer bewus
kan word van sy eie potensiaal.
c) Dat die mens uit 'n fisiese liggaam bestaan en dat die Thetan die
liggaam binnekom by bevrugting.
d) Dat die mens uit 'n analitiese bewussyn bestaan wat onder
normale omstandighede normaal funksioneer.
e) Wanneer 'n Thetan die liggaam binnekom, bring hy al hierdie
“engrams” met hom saam wat hy al vir miljoene jare van evolusie
saam met hom dra.
f) Dat die fondament of basis van lewe is om te oorleef.
Ek verwerp en verloën die doelstellings van Scientology, nl. om 'n
persoon se intellektuele vermoë en kennis van homself te vermeerder,
d.m.v Scientology.
Ek verwerp en verloën die genesing van siektes deur “Dianetics”, die
moderne wetenskap van Geestelike gesondheid. ('n Doen dit jouself
handleiding vir geestelike gesondheid. Ek glo dat Jesus Christus van
Nasaret die Groot Geneesheer is.
Ek verwerp en verloën die doelwit van alle Scientologists om "a clear" te
wees. Die strewe na "a clear" is om 'n IK van 135 te bereik, die hoogste
skeppingsvitaliteit, diepste ontspanning en hernuwe geheue. Ek
verwerp die sewe grade van bereiking van "a clear" d.m.v progressiewe
kursusse.
84