Morfina taldea - Euskara

106
1.3. Markatzaile azpizelularrak:
Doktore-tesia
Emaitzak
Aztertutako zatiki azpizelularren purotasuna ezagutzeko zatiki bakoitzarekiko
espezifikoak diren entzimen aktibitateak neurtu dira.
1.12. Taulan gizaki eta arratoian entzima hauen banaketa azpizelularra azaltzen da. Kasu
honetan garun kortexaren homogenatuak emandako balorea %100-tzat hartuz beste
zatikietako aktibitate baloreak homogenatu honekiko portzentaietan eman dira.
Konparaketak bide bateko bariantzaren analisiarekin (ANOVA) egin dira.
Zatiki sinaptosomalaren purotasuna azaltzeko mikroskopio elektronikoz eginiko
argazkia aurkezten da (1. Argazkia).
1.4. Aktibitate entzimatikoa, hil-osteko atzerapena eta izozte denbora:
Gizakiaren garunen kasuan, organu hau atera baino lehen pasatutako hil-osteko
atzerapenak eta izozkailuan pasatutako denborak aktibitate entzimatikoaren gain eragiten
duenentz ziurtatzeko korrelazio ikerketa estatistiko bat egin da. PSA solugarria eta APB-a
entzima aktibitateak lagintzat hartuz, baldintza fisiko hauek aktibitate entzimatikoan
eraginik ez dutela ikus daiteke 1.13-1.14 eta 1.15-1.16 tauletan. (PSA: R= 0.115, P= 0.505
pm delay-aren kasuan eta R= 0.034, P= 0.851 izozte denboraren kasuan. APB: R= 0.016, P=
0.934 eta R= 0.045, P= 0.823).