Morfina taldea - Euskara

Eztabaida
kokatzen dela deskribatu da (Solhonne eta lank., 1987), baina duela gutxi Noble eta
lankideak (2001) egindako ikerlan batean aminopeptidasa hau NSZ-ko gune neuronal
askotan azaltzen dela deskribatu zuten. Entzima honen inhibitzailea den RB129 tritiatua
erabiliz, hipotalamoan, talamoan, hipokanpoan, estriatuan, kortexean, e.a. ataletan APN-a
neurrizko edo kantitate altuetan aurkitu du talde honek. Gure esperimentuetan ikusitakoa
datu hoiekin bat dator. Zerbait gehitzekotan, gure esperimentuetan amigdalan ere APN
aktibitatea agertzen dela esan behar.
Beste emaitza aipagarri bat, leuzil aminopeptidasaren aktibitate espezifikoa
kortexean arratoiarena baino handiagoa dela izan dugu (esangarria kortex parietalean).
Entzima solugarri honen funtzioa zein den oso ondo ez dakigun arren (BPO-ekiko ekintza
txiki bat omen du), ehun askotan hedatuta dagoenez proteinen bioeraldaketan
erantzunkizun nabaria izan lezakeela proposatu da (Gibson eta lank., 1991). Gure lan
honetan giza kortexean ikusitako berezitasun hori aipatzea adierazgarria iruditzen zaigu.
Laburbilduz, ikertutako peptidasa guztiak garunean zehar hedatzen direla esan
daiteke. Gainera, aktibitate altuena PSA solugarriak eta APB-ak daukate. Bestalde, PSA eta
PEP aktibitatea gizakian arratoietan baino handiagoa den bitartean, arratoi garunean APB-a
gizakiarena baino altuagoa da. Era berean, PEP, PSA solugarria eta APB-aren aktibitatea
giza garunean ez da homogeneoki banatzen (emaitza bereziki adierazgarria PEP-aren
kasuan).
227
Doktore-tesia