Morfina taldea - Euskara

Emaitzak
1. Gizaki eta arratoiaren garun kortexeko peptidasa
ezberdinen banaketa azpizelularra:
Hurrengo 11 tauletan eta dagozkien 22 irudietan gizaki eta arratoi tratatugabeen garun
kortexeko zatiki azpizelularretako aktibitate peptidasikoak azaltzen dira. Aukeratutako
zatikiak sinaptosomak (Sp), mitokondriak (Mt), mikrosomak (Mr), nukleoa (N), zitosola
(Zit) eta zatiki mielinikoa (Miel) izan dira.
Aktibitateen baloreak mg proteinako peptidasa aktibitate unitateetan eman dira
(PAU/mg proteina), batazbestekoak eta estandart erroreak (S.E) azaltzen direlarik.
Datuen konparaketa bide bateko bariantzaren analisiaren (ANOVA) bitartez egin da.
Lortutako probabilitateak honela adierazi dira: P< 0.05, P< 0.01 edo P< 0.005 datu
esangarrientzako, eta (e.e.) batekin ez esangarriak zirenean.
Datuen irakurketa errazteko, lehenengo atal batean zatiki solugarriko peptidasen
aktibitateak azaltzen dira eta bigarren atalean mintzari lotutako entzimen aktibitateak.
Hirugarren zatian zatiki azpizelularren purotasuna frogatzeko egindako entseiuen
emaitzak aurkezten dira. Laugarrenean hil-osteko atzerapena edo postmortem delay-ak eta
laginen izozte denborak aktibitate entzimatikoaren gain eragiten duen jakiteko egindako
korrelazio ikerketaren datuak agertzen dira.
1.1. Peptidasa solugarriak:
1.1 Taulan eta 1.1 eta 2.2 irudietan PSA solugarriak (EC 3.4.11.14) zatiki azpizelular
ezberdinetan emandako baloreak azaltzen dira. Banaketa bai gizakian eta bai arratoian
nahiko homogeneoa eta antzekoa izan arren balore altuenak sinaptosoma eta zitosol mailan
ikusi dira. Aktibitate txikiena mikrosometan eman da (ANOVA: P< 0.05, gizakian;
P