Morfina taldea - Euskara
Morfina taldea - Euskara
Morfina taldea - Euskara
Create successful ePaper yourself
Turn your PDF publications into a flip-book with our unique Google optimized e-Paper software.
Eztabaida<br />
Neuropeptidoen zelula berneko erregulazio mekanismoen ezagutzak oraindik<br />
hutsune asko ditu. Peptidoen aktibitatearen kontrol fisiologikoa egiten duten peptidasak<br />
mintz sinaptikoan lotutako ektopeptidasak izan behar dutela proposatu da (Schwartz eta<br />
lank., 1981). Egia esan, mintzari lotutako aminopeptidasak neurotransmisore peptidikoen<br />
kontrolean eragina dutela aspaldidanik deskribatu da (Turner, 1986). Hala ere, gizaki eta<br />
animalien ehun ezberdinen zelulen zatiki solugarrian peptidasa aktibitatea oso ugaria dela<br />
ikusi da, entzima hauen funtzioa zein den oraindik oso argi egon ez arren.<br />
Tesi honetarako eginiko esperimentuetan aktibitate peptidasikoa zatiki azpizelular<br />
guztietan aurkitu da eta banaketa patroia oso antzekoa izan da gizakia zein arratoiaren<br />
garunen kortexean. Gainera, entzima solugarrien aktibitatea mintzari lotutakoena bezain<br />
bestekoa edo handiagoa dela ikusi da.<br />
1.1. Peptidasa solugarriei dagokionez, prolil endopeptidasa izan ezik<br />
beste guztien aktibitate handiena zatiki sinaptosomalean aurkitu dugu bai gizaki zein<br />
arratoiaren garun kortexean.<br />
Aipatzekoa da piroglutamil peptidasa I (PG I) eta aspartil aminopeptidasa (APA)<br />
aktibitate espezifikoen zati handi bat amaiera sinaptikoan azaldu izana.<br />
Lehenengoari dagokionez, gure <strong>taldea</strong>k duela gutxi adin ezberdineko arratoien<br />
zerebeloan nerbio sistema zentrala (NSZ) heldu ahala sinaptosometako PG I aktibitatea<br />
bikoiztu egiten dela deskribatu zuen. Arratoi helduetan, zatiki azpizelularrak konparatuz<br />
gero, aktibitate nagusia maila sinaptomalean agertu zen bai PG I solugarrian zein mintzari<br />
lotutakoan. Gainera, zatiki zitosolikoaren PG I aktibitateak arratoiak heldu ahala<br />
ikusgarrizko beherakada jasaten duela ikusi zen (Gandarias eta lank., 2000). Tesi honetan<br />
banaketa azpizelularrerako gizaki eta arratoi helduen garun kortex laginak erabili ditugu eta<br />
PG I entzimaren banaketa azpizelular berdina agertu da; hau da, maila sinaptosomal altuak<br />
eta zitosoliko baxuak. Beraz, entzima honen forma solugarriaren ekintza azpizelular nagusia<br />
maila sinaptikoan gertatzen dela esan genezake.<br />
APA-ren kasuan ere aktibitate nagusia sinaptosometan azaltzen da gizaki eta<br />
arratoiaren garun kortexean. Portzentai txikiagoan baina hala ere nagusiki, leuzil<br />
215<br />
Doktore-tesia