Morfina taldea - Euskara

Metodoak
2.4. Zatiki azpizelularren purutasunaren froga:
Zatiki zelular ezberdinen purutasuna frogatzeko asmoz esperimentu ezberdinak egin
ziren bai gizaki zein arratoi garun kortexean. Sinaptosomen purutasunaren frogaren kasuan
izan ezik beste esperimentu guztietan zatikiak bata bestearekin konparatuz frogatu ziren
hauen purutasunak, emaitzen atalean ikusiko den bezala.
2.4.1. Entzima markatzaileak:
Zatiki zitosolikoaren purutasuna. Laktato deshidrogenasa aktibitatea (Berguemeyer
eta Brent, 1972) NADH-a eta pirubatoarekin laginak inkubatu ondoren
determinatu zen. Lagin bakoitzarentzako erreakzio denbora aldakor baten
ostean, NADH galpena espektrofotometroan neurtu zen 340nm-tan.
Zatiki mitokondrialaren purutasuna. Sukzinato deshidrogenasa aktibitatea neurtzeko
(Reddy eta Weber, 1986) sukzinatoa eta zianatoa zeraman disoluzio batekin
inkubatu ziren laginak. Entzima horren eraginez dikloroindofenolaren agerpenak
sortutako kolorazioa espektrofotometroaren neurtu zen 600 nm-tan.
Zatiki mikrosomalaren purutasuna. NADPH C zitokromo oxidasa aktibitatea
(Graham eta Ford, 1984) rotenonearen presentzian entzima horren erredukzioa
aztertuz egin zen neurketa, espektrofotometroaren bidez (550 nm).
Zatiki mielinikoaren purutasuna. 2’-3’ nukleotido zikliko fosfodiesterasa aktibitatea
(Nishizawa eta lank., 1980) lagina bromotimol urdina eta imidazol-HCL
indargetzailearekin inkubatu ondoren neurtu zen espektrofotometrikoki.
2.4.2. Zatiki nuklearra.
DNA edukina (Cesarone eta lank., 1979) lagina ilunpean 33258 Hoechst-arekin inkubatu
ondoren neurtu zen fluorimetrikoki.
75
Doktore-tesia