Morfina taldea - Euskara

Eztabaida
225
2.2. Puromizinarekiko sentikorra den aminopeptidasa
(PSA) garunean azaltzen den aminopeptidasa ugariena dela deskribatu da (Hersh eta
lank., 1987). Entzima honek mintzari lotutako eta solugarria den isoforma bi dituela
deskribatu da, bigarrenaren aktibitatea askoz handiagoa delarik (McLellan eta lank., 1988).
Mintzari lotutako entzefalina anderatzaileen artean AP MII-a APN-a baino aktiboagoa dela
deskribatu da (Giros, 1985). Gainera mintzari lotutako PSA edo AP MII garunarekiko
espezifikoa den bitartean, isoforma solugarria eta APN-a beste ehun askotan isolatu dira
(Solhonne eta lank., 1987; Mantle, 1992; Yamamoto eta lank., 1998, Shimizu eta lank.,
2002). 1997an Tobler-en taldeak gizakiaren neuronetako PSA klonatu zuen.
Gure esperimentuetan, PSA espezie bietan azaldu da. Gainera, aminopeptidasa
honen aktibitatea ikertutako peptidasa guztien artean handiena dela ikusi dugu. Era berean,
mintzari lotutako peptidasa aktibitateen artean AP MII-arena izan da nagusia. Beraz
emaitza hauek beste argitarapenek diotenarekin bat datoz.
Banaketa erregionalari dagokionez, proentzefalina eta prodinorfina eta hauen
eratorriak NSZ eta periferikoko gune askotan isolatu dira, adibidez estriatua, hipokanpoa,
kortexa, hipotalamoa, e.a. (Roques, 1999). BPO batzuen hidrolisia sor dezakeen PSA garun
atal hoietan maila altuetan azaldu da. Hala ere, giza garun kortexean ikusitako PSA
solugarriaren aktibitatea beste ataletakoa baino eskasagoa izan da. Arratoi garunean ez da
berezitasun hau nabaritu.
Espezie arteko konparaketari dagokionez, giza garunean PSA-ren aktibitatea
arratoiarenean baino esangarriki handiagoa dela ikusi dugu. PSA solugarrian aztertutako atal
guztietan, eta AP MII-aren kasuan atal gehienetan azaldu dira emaitza hauek. Gainera,
hurrengo puntuan ikusiko dugun bezala APB aktibitatearen alderantzizko emaitzak izan
dira.
2.3. Arginil aminopeptidasa edo APB gizakia eta animalietan
isolatutako eta substratu bezala N-muturrean arginina edo lisina duten peptidoak
Doktore-tesia