Morfina taldea - Euskara

30
Doktore-Tesia
Sarrera
honen aktibitate egokia pH pixkat azidoan ematen da (pH 6.5-6.8) (O’Cuinn, 1997). Honek
konpartimentu azpizelularretara egokitzeko gaitasuna ematen dio, bertan gertaera
fisiologiko ezberdinetan parte har lezakeelarik (Foulon eta lank., 1999).
Lan ezberdinetan leukotrieno hidrolasarekin (LTA4-ren anderatzailea) egitura eta
funtzio erlazioa duela azaldu da, eta gainera Lys-bradikininatik (kalidina) bradikinina
eratzeko gai denez, aminopeptidasa B-ak hantura prozesuetan funtzioren bat joka lezakeela
proposatu da. Gainera beste propeptido edo prekurtsore ezberdinen prozesamenduan
(proentzefalina, prokolezistokinina, e.a) eragiten duela ere deskribatu da (Yasothornsrikul
eta lank., 1998; Foulon eta lank., 1999).
2.2.2.5. Leuzil aminopeptidasa (EC 3.4.11.1):
Espezifizitate zabaleko aminopeptidasa honek oligopeptido ezberdin asko hidrolisa
ditzake, N-muturrean ez direnean alanina, zisteina edo gly-gly sekuentzia azaltzen edota
azken aurreko aminoazidoa prolina ez denean (O’Cuinn, 1997).
1986an Kohno eta lankideak gizaki gibelaren zitosolean isolatu zuten, Mg 2+ edo
Mn 2+ -arekin aktibatu eta, aminopeptidasa gehienak bezala, bestatinarekin inhibitu daitekeen
metaloentzima dela adieraziz. Kasu honetan LAP-ren pH egokia nahiko basikoa da, 9.5 -
10.5-ekoa hain zuzen. Autore batzuk prolil aminopeptidasa eta LAP entzima berbera dela
iradokitzen dute (Turzynski eta lank., 1990).
1991an Gibson eta lankideek giza garuneko LAP purifikatu eta neuropeptido
ezberdinen gain nola eragiten duen ikertu zuten. Guztien artean leu-entzefalina zen gehien
anderatzen zuena, baina hala ere peptido opioide honekiko espezifizitatea PSA-rena baino
8 bider txikiagoa da. Entzima solugarri honen benetako papera oraindik ez dago oso argi
baina, alanina aminopeptidasa solugarria bezala, ehun askotan hedatua dagoenez zelula
barneko proteinen bioeraldaketa edo turnoverrean erantzunkizun handia izan dezakela
proposatzen du talde honek.