Morfina taldea - Euskara

Eztabaida
Zentzu honetan, entzefalina, dinorfina edo endorfinak zuzenki edo era ez-zuzenean
abstinentzian dauden heroinazaleei edo animaliei ematean sindrome horren sintomatologia
murriztu egiten dela deskribatu da (Tseng eta lank., 1976; Clement-Jones eta lank., 1979;
Wen eta lank., 1983). Beharbada PSA-ren murrizketak zentzuren bat izan lezake
abstinentzia prozesuan.
Dena den, PSA-k BPO-en anderakuntzan eta (ondorioz) menpekotasunaren
fisiopatologian zein eratan eta non eragin dezakeen asmatzea nahiko zaila da, gehienbat
entzima zitosolikoa baita. Puromizinak entzefalinen anderakuntza inhibitu dezakeela eta
PSA-k BPO ezberdinak anderatzen dituela ezarrita dago (Chailet, 1983; Taylor, 1993) baina
bere funtzio fisiologikoa oraindik oso eztabaidatua da.
Sarreran, emaitzetan eta eztabaida honetan ikusi den bezala opiazeoekiko
menpekotasunak BPO-en anderatzaileak diren aminopeptidasa nagusienetan eraginen bat
badu. Baina BPO-en katabolismoaren aldaketa hauei ez dizkiete zuzenean peptido hoien
maila gutxitze (tolerantzian) edo handitzeak (abstinentzian) jarraitzen; edo behintzat zentzu
honetan datuak kontrajarriak dira (Trujillo eta Akil, 1991; Trujillo eta lank., 1995). Baina
honek ez du esan nahi neurona opioidergikoetan erregulazioren bat gertatzen ez denik.
Azken finean, neurona hauen barneko peptido edukina prozesu ezberdinen menpe baitago.
Alegia, biosintesia, askapena eta anderakuntzaren menpe. Adibidez, Saria eta lankideak
(1997) neutral endopeptidasa 24.11-ren genea ezabatuta zeukaten saguetan leu eta metentzefalina
mailak igo beharrean jaitsita daudela ikusi zuten. Emaitza hau paradoxikoa
dirudien arren, sagu hauetan entzefalinen biosintesiaren feed-back negatiboa gertatzearen
ondorioz peptido hauen mailak jaisten direla adierazi zuten.
Antzeko arrazonamenduarekin Trujillo eta Akilek (1991) morfinaren eraginpean
BPO-en biosintesiaren feed-back negatiboa gertatzen dela adierazi zuten. Biosintesiaren
beherakada hau nahiko ixila mantentzen da morfinaren efektupean (tolerantzia), opiazeoen
efektuetariko bat neuronengain neurotransmisoreen askapen inhibizioa baita (Lorenzo eta
lank., 1999). Abstinentzian neurona opioidergikoen hiperaktibitate egoerak BPO biltegiak
azkar agortu litzake, biosintesia inhibituta egon baita.
233
Doktore-tesia