Morfina taldea - Euskara

Sarrera
LC-an askatzen duten neuronen hiperaktibitatea litzateke. Barnekoa berriz AMPz bidean
gertatutako up-regulation delakoa eta CREB-aren indukzioa da. Gainera osagai hau bide
mesolinbikoan abstinentzian azaldutako emozio-egoera negatiboaren arduraduna da
(Nestler, 2001).
3.4. Menpekotasuna eta barne sistema opioidea:
70. hamarkadan gure NSZ-an hartzailez eta hauenganako afinitatea duten peptido
endogenoz osotzen zen barne sistema opioide bat geneukala aurkitu zenetik hona,
opiazeoekiko menpekotasunaren zergatiak ulertzeko egindako ikerketak oso ugariak izan
dira eta fenomeno hau ezagutzeko egindako aurrerapausuak etengabekoak. Gaur egun
menpekotasun psikikoan eta fisikoan eragin nagusia duten NSZ-ko atalak definituta daude
eta ikertzaile gehienen eritziz droga psikoaktibo guztiek era batera edo bestera gune
berdinetan eragiten dute.
Ikusi denez menpekotasun psikikoan sistema mesolinbikoaren aktibazioa da abusu
drogen ekintza nagusia. Sistema honen neurotransmisore garrantzitsuena dopamina den
arren, zirkuitu mesolinbiko hau bere modulazioan eragina duten zuntz opioidergiko anitzez
osatuta dago. Gehienak neurona laburrak dira, entzefalinak edo dinorfinak askatzen
dituztenak, eta zuntz luzeren bat ere badago (dinorfina eta endorfinak) (Nestler, 2001).
Droga kontsumoa kronikoa egin denean lehen azaldutako neuroegokitze prozesua
dela eta drogazaleak droga horren beharrizana azalduko du (craving), bakoitzean dosi
handiagoetan (tolerantzia) bere egoera higuingarri kronikoa gainditzeko. Egoera horren
neurotransmisore arduradun ez-zuzena barne peptido opioide bat dugu (dinorfina). Era
berean, beste NSZ-ko atal batzuetan eta hazkuntza zeluletan deskribatu den bezala,
menpekotasun fisikoa azaltzen duten hartzaile-osteko fenomeno ezberdinen ondorioz
proteina askoren (entzimak, transkripzio faktoreak, erretenak, e.a.) espresioa handitu egiten
dela nahiko argi dago.
Tesi honen helburuetariko bat morfina edo heroinak barne peptido opioideen
metabolismoan zein eratan eragiten duen ezagutzea da. Menpekotasunari buruz hitzegitean
ikusi bezala, opiazeoak hartzean hartzaileen dentsitatea aldatu daitekeen teoriak kontrako
43
Doktore-tesia