Morfina taldea - Euskara

Eztabaida
gertatzen dela. Azken finean, aztertutako peptidasa ezberdinek neuropeptido edo beste
peptido askoren anderakuntzan parte hartzen dutela deskribatu da hainbat ikerlanetan;
baina peptidasa hauen zati handiena zelula barnean kokatzen dela jakinik, entzima hauen
ekintza mekanismoari buruzko hutsune zabal bat dagoela ikus dezakegu.
Peptidasa zitosolikoen eztabaidan entzima hauek Euren funtzio ezberdinak zelulatik
kanpora jariatu ondoren edo beren substratua diren peptidoak zelulan barneratu ondoren
egin litzaketela proposatu da (Gibson eta lank., 1989). Proposamen hau gune aktiboa zelula
barnera begira duten mintzari lotutako entzimentzako baliagarria da, AP MII-a adibidez
(Dyer eta lank., 1990).
Azkenengo urteotan hormona peptidiko edo hazkuntza faktore batzuk zelula
barnean ekintza intrakrino bat izan dezaketenaren hipotesia jarri da agerian. Peptido hauek
zelula kanpotik barneratu ondoren edo barnean atxikita gelditu ondoren zelularen aktibitate
ezberdinak modulatu ditzaketela proposatu da (geneen transkripzioa edo zelula bereizketa
adibidez) (Re, 2002; 2003). Hildu honetan hipofisiko hormona peptidiko batzuk edo
angiotentsina II-ak aktibitate intrakrinoa izan dezaketela deskribatu da (Houben eta Denef,
1994; De Mello eta Danser, 2000; Schuijt eta Danser, 2002).
Tesi honen helburuetariko bat NSZ-an peptido ezberdinen anderatzaileak diren
peptidasen aktibitate azpizelularra deskribatzea izan da. Ikus dezakegunez, entzima hauek
aztertutako zatiki azpizelular guztietan agertzen dira eta zelula barnean aktibitate handia
daukate. Emaitza hauek hipotesi intrakrino hau osotzen lagundu gaitzakete; azken finean,
ekintza intrakrinoa duten peptidoen erregulazioan peptidasek funtzioren bat izatea posible
baita.
Peptidasen banaketa azpizelularraz gain, entzima hauek NSZ-eko atal ezberdinetan
zein eratan banatzen diren ezagutzeak beraien funtzioari buruzko datu gehiago biltzen
lagun ziezagukeenez, tesiaren bigarren fasean gizaki eta arratoi arrunten (baldintza
normaletan daudenak) garuneko gune ezberdinetan 7 peptidasa hoien aktibitateak neurtu
genituen:
221
Doktore-tesia